வெள்ளரிக்காய் பச்சடி
மாணிக்கவாசுகி செந்தில்குமார்
தேவையான பொருட்கள்:
1. வெள்ளரிக்காய் -100கிராம்
2. காரட் (துருவியது) - 1 மேஜைக்கரண்டி
3. பச்சை மிளகாய் - 2 எண்ணம்
4. கறிவேப்பிலை -1 கொத்து
5. கெட்டித் தயிர் - 2 மேஜைக்கரண்டி
6. எண்ணெய் -1 தேக்கரண்டி
7. கடுகு -1/4 தேக்கரண்டி
8. பெருங்காயம் - 1/4 தேக்கரண்டி
9. உப்பு - தேவையான அளவு
செய்முறை:
1. வெள்ளரிக்காயைக் கழுவித் தோல் நீக்கித் துருவிக் கொள்ளவும்.
2. காரட்டையும் கழுவித் துருவிக் கொள்ளவும்.
3. துருவிய இரண்டையும் உப்பு சேர்த்துத் தயிருடன் கலக்கவும்.
4. ஒரு வாணலியில் எண்ணெய் ஊற்றிக் காய்ந்ததும், அதில் கடுகு போட்டு வெடித்து வரும் போது பச்சை மிளகாய், கறிவேப்பிலை மற்றும் பெருங்காயம் சேர்த்து வதக்கி அதனுடன் சேர்க்கவும்.
5. அனைத்தையும் ஒன்றாகக் கலக்கிப் பரிமாறவும்.
*****

இது முத்துக்கமலம் இணைய இதழின் படைப்பு.