மாங்காய் பச்சடி
மாணிக்கவாசுகி செந்தில்குமார்
தேவையான பொருட்கள்:
1. மாங்காய் – 2 எண்ணம்
2. பச்சை மிளகாய் – 4 எண்ணம்
3. பொடித்த வெல்லம் – 1/4 கப்
4. தேங்காய்த் துருவல் – 3 மேசைக்கரண்டி
5. மஞ்சள்தூள் – 1 சிட்டிகை
6. வேப்பம்பூ – 1/4 தேக்கரண்டி
7. உப்பு - தேவையான அளவு
8. எண்ணெய் – தேவையான அளவு
செய்முறை:
1. மாங்காயைத் தோல் நீக்கி சிறிய துண்டுகாளாக நறுக்கி வைக்கவும்.
2. ஒரு கடாயில் எண்ணெய் விட்டுக் காய்ந்ததும், அதில் கடுகு போட்டுத் தாளித்து, பச்சை மிளகாய், மாங்காய் சேர்த்து வதக்கவும்.
3. அதனுடன் மஞ்சள்தூள், தேவையான அளவு உப்பு போட்டு சிறிது தண்ணீர் ஊற்றி வேக வைக்கவும்.
4. அனைத்தும் வெந்ததும், வெல்லத்தூள், தேங்காய்த் துருவல் சேர்க்கவும்.
5. கடைசியாக இறக்குவதற்கு முன்பு, வேப்பம்பூ தாளித்துச் சேர்க்கவும்.
*****

இது முத்துக்கமலம் இணைய இதழின் படைப்பு.