1. காளான் பாக்கெட் - 1 எண்ணம்

2. பெரியவெங்காயம் - 1 எண்ணம் நீளவாக்கில்

3. கரம் மசாலாத் தூள் - 1 தேக்கரண்டி

4. மிளகாய்த்தூள் - 1 தேக்கரண்டி

5. மஞ்சள்தூள் - 1/4 தேக்கரண்டி

6. பூண்டு விழுது - 1 தேக்கரண்டி

7. உப்பு - தேவையான அளவு

8. எண்ணெய் - தேவையான அளவு

9. மல்லித்தழை - சிறிது

1. காளானை சிறிதாக நறுக்கி, தண்ணீரில் போட்டு வைத்துக் கொள்ளவும்.

2. வெங்காயத்தை நீளவாக்கில் நறுக்கி வைக்கவும்.

3. ஒரு கடாயில் எண்ணெய் ஊற்றிக் காய்ந்ததும், அதில் வெங்காயம் சேர்த்து, அதன் பின்பு இஞ்சிப் பூண்டு விழுது, கரம் மசாலாத் தூள், மிளகாய்த்தூள், மஞ்சள்தூள், உப்பு கலந்து நன்கு வதக்கவும்.

4. நன்கு வதங்கியவுடன் காளான் ஊற வைத்த தண்ணீரை வடிகட்டி, காளானைச் சேர்க்கவும்.

5. நன்கு வதங்கி, தண்ணீர் வற்றியவுடன், அதில் மல்லித்தழையைத் தூவி இறக்கவும்.

*****

இது முத்துக்கமலம் இணைய இதழின் படைப்பு.