1. பீன்ஸ் - 100 கிராம்

2. கேரட் - 100 கிராம்

3. தேங்காய்த் துருவல் - 3 மேசைக்கரண்டி

4. மஞ்சள் தூள் - 1/4 தேக்கரண்டி

5. கடுகு - 1/2 தேக்கரண்டி

6. உளுத்தம் பருப்பு - 1 தேக்கரண்டி

7. கருவேப்பிலை - சிறிது

8. பச்சை மிளகாய் - 2 எண்ணம்

9. உப்பு - தேவையான அளவு

10. எண்ணெய் - தேவையான அளவு.

1. பீன்ஸ், கேரட், மிளகாய் போன்றவற்றைச் சிறிதாக நறுக்கி வைக்கவும்.

2. ஒரு பாத்திரத்தில் சிறிது தண்ணீர் ஊற்றி உப்பு சேர்த்து, பீன்ஸ், கேரட் ஆகியவற்றை வேக வைக்கவும்.

3. அடுப்பில் வாணலியை வைத்து, எண்ணெய் ஊற்றி காய்ந்ததும், கடுகு, உளுத்தம் பருப்பு, கருவேப்பிலை போட்டுத் தாளிக்க வேண்டும்.

4. அத்துடன் பச்சை மிளகாய் சேர்த்து வதக்கி, வேக வைத்துள்ள காய்கறிகளைச் சேர்த்து வதக்கவும்.

5. கடைசியாகத் தேங்காய்த் துருவல் சேர்த்து இறக்கவும்.

*****

இது முத்துக்கமலம் இணைய இதழின் படைப்பு.