காளான் வறுவல்
மாணிக்கவாசுகி செந்தில்குமார்
தேவையான பொருட்கள்:
1. காளான் – 250 கிராம்
2. தக்காளி – 1 எண்ணம்
3. மிளகாய் வற்றல் – 10 எண்ணம்
4. சோம்பு – 1 தேக்கரண்டி
5. சீரகம் – 1/2 தேக்கரண்டி
6. பூண்டு – 5 பல்
7. கடலை எண்ணெய் – 100 மில்லி
8. வெங்காயம் – 50 கிராம்
9. மஞ்சள் – சிறிதளவு
10. கடுகு, உளுத்தம் பருப்பு – 1/2 தேக்கரண்டி
11. கறிவேப்பிலை – சிறிது
12. உப்பு – தேவையான அளவு.
செய்முறை:
1. மிளகாய் வற்றல், சோம்பு, சீரகம், பூண்டு, மஞ்சள் யாவற்றையும் கெட்டியாக அரைத்துக் கொள்ள வேண்டும்.
2. காளான், வெங்காயம், தக்காளி ஆகியவற்றை நறுக்கிக் கொள்ள வேண்டும்.
3. ஒரு வாணலியில் எண்ணெய் ஊற்றிக் காய்ந்ததும், அதில் கடுகு, உளுந்தம் பருப்பு, கறிவேப்பிலை, வெங்காயம் ஆகியவற்றைப் போட்டுப் பிறகு காளான், தக்காளியையும் சேர்த்து வதக்க வேண்டும்.
4. அரைத்து வைத்துள்ள மசாலாவைச் சேர்த்து உப்பு போட்டு, வேக விட்டு நன்கு வற்றியதும் இறக்கி வைக்க வேண்டும்.
*****

இது முத்துக்கமலம் இணைய இதழின் படைப்பு.