1. சிறுகிழங்கு - 200 கிராம்

2. மஞ்சள்தூள் - 1/2 தேக்கரண்டி

3. சீரகத் தூள் - 1/2 தேக்கரண்டி

4. தேங்காய் துருவல் - 2 மேஜைக்கரண்டி

5. உப்பு - தேவையான அளவு

தாளிக்க

6. எண்ணெய் - 3 மேஜைக்கரண்டி

7. கடுகு - 1/2 தேக்கரண்டி

8. உளுந்தம் பருப்பு - 1/2 தேக்கரண்டி

9. பெரிய வெங்காயம் - 1எண்ணம்

10. பச்சை மிளகாய் - 2 எண்ணம்

11. கறிவேப்பிலை - சிறிது.

1. முதலில் சிறுகிழங்கை தண்ணீரில் 1 மணி நேரம் ஊற வைத்து, அதிலுள்ள மண் சுத்தமாகும் வரை நன்றாகக் கழுவிக் கொள்ளவும்.

2. ஒரு பாத்திரத்தில் சிறு கிழங்கு முழ்கும் அளவுக்குத் தண்ணீர் ஊற்றி வேக வைத்துக் கொள்ளவும்.

3. வேக வைத்த கிழங்கைச் சிறிது நேரம் ஆற விடவும்.

4. நன்றாக ஆறிய பிறகு, அந்தக் கிழங்குகளைத் தோலுரித்து சிறிய துண்டுகளாக வெட்டிக் கொள்ளவும்.

5. வெங்காயம், பச்சை மிளகாய் இரண்டையும் பொடிதாக நறுக்கிக் கொள்ளவும்.

6. ஒரு கடாயில் எண்ணெய் ஊற்றிக் காய்ந்ததும், கடுகு போட்டு தாளிக்கவும். கடுகு வெடித்தவுடன் உளுந்தம் பருப்பு, கறிவேப்பிலை, பச்சை மிளகாய், வெங்காயம் சேர்த்து வதக்கவும்.

7. வெங்காயம் நல்ல பொன்னிறமானதும் வெட்டி வைத்துள்ள சிறுகிழங்கு துண்டு, உப்பு சேர்த்துக் கிளறவும்.

8. இறுதியில் சீரகத்தூள், தேங்காய்த் துருவல் இரண்டையும் சேர்த்துக் கிளறி அடுப்பிலிருந்து இறக்கி விடவும்.

*****

இது முத்துக்கமலம் இணைய இதழின் படைப்பு.