பீட்ரூட் ஊறுகாய்
கவிதா பால்பாண்டி
தேவையான பொருட்கள்:
1. பீட்ரூட் - 1 எண்ணம்
2. வெந்தயம் - 1/2 தேக்கரண்டி
3. கடுகு - 1/2 தேக்கரண்டி
4. பெருங்காயத்தூள் - 1/4 தேக்கரண்டி
5. மிளகாய்த்தூள் - 1 தேக்கரண்டி
6. நல்லெண்ணெய் - 2 மேசைக்கரண்டி
7. எலுமிச்சைச் சாறு - 2 மேசைக்கரண்டி
8. உப்பு - தேவையான அளவு.
செய்முறை:
1. பீட்ரூட்டை நன்றாகக் கழுவித் தோலை நீக்கி, சிறு துண்டுகளாக நறுக்கி அதில் உப்பைத் தூவிக் கலந்து வைத்துக் கொள்ளவும்.
2. ஒரு வாணலியில் ஒரு தேக்கரண்டி எண்ணெய் விட்டுக் காய்ந்ததும், அதில் பெருங்காயம் மற்றும் வெந்தயத்தை இலேசாக வறுத்துப் பொடித்துக் கொள்ளவும்.
3. அத்துடன் மிளகாய்ப் பொடியையும் சேர்த்துக் கலந்து வைத்துக் கொள்ளவும்.
4. வாணலியில் மீதி எண்ணையை விட்டுக் காய்ந்ததும், அதில் கடுகு போட்டு வெடித்ததும் அடுப்பை அணைத்து விடவும்.
5. அதில் மிளகாய்த் தூள் சேர்க்கவும்.
6. அத்துடன் பீட்ரூட் துண்டுகள், எலுமிச்சைச் சாறு ஆகியவற்றைச் சேர்த்து நன்றாகக் கிளறி இறக்கவும்.
*****

இது முத்துக்கமலம் இணைய இதழின் படைப்பு.