மாங்காய் வற்றல் ஊறுகாய்
மாணிக்கவாசுகி செந்தில்குமார்
தேவையான பொருட்கள்:
1. மாங்காய் வற்றல் - 8 துண்டுகள்
2. சின்ன வெங்காயம் - 10 எண்ணம்
3. பூண்டு - 10 பல்
4. மிளகாய்த்தூள் - 2 தேக்கரண்டி
5. மல்லித்தூள் - 3 தேக்கரண்டி
6. தேங்காய்த்துருவல் - 3 தேக்கரண்டி
7. கடுகு - 1 தேக்கரண்டி
8. உளுத்தம்பருப்பு - 1/2 தேக்கரண்டி
9. வெந்தயம் - 1/2 தேக்கரண்டி
10. சீரகம் - 1/2 தேக்கரண்டி
11. கறிவேப்பிலை - சிறிது
12. நல்லெண்ணெய் - தேவையான அளவு
13. உப்பு - தேவையான அளவு.
செய்முறை:
1. மாங்காய் வற்றலை 15 நிமிடம் சுடுநீரில் ஊற விடவும்.
2. தேங்காய்த்துருவலை விழுதாக அரைத்து வைக்கவும்.
3. சின்ன வெங்காயத்தை சிறு துண்டுகளாய் நறுக்கவும்.
4. ஒரு வாணலியில் நல்லெண்ணெய் ஊற்றிக் காய்ந்ததும், கடுகு, உளுத்தம் பருப்பு, வெந்தயம், சீரகம், கறிவேப்பிலை தாளிக்கவும்.
5. தாளிசத்துடன் வெங்காயம், பூண்டு போட்டு வதக்கவும்.
6. அதனுடன் மிளகாய்த்தூள், மல்லித்தூள் சேர்த்து வதக்கவும்.
7. நன்கு வதங்கியதில் அதில் புளிக்கரைசல், அரைத்து வைத்த தேங்காய் விழுதைச் சேர்க்கவும்.
8. கடைசியாக அதில் மாங்காய் வற்றல், உப்பு சேர்த்துக் குறைவான நெருப்பில் கொதிக்க வைத்து இறக்கவும்.
*****

இது முத்துக்கமலம் இணைய இதழின் படைப்பு.