இஞ்சித் தொக்கு
ராஜேஸ்வரி மணிகண்டன்
தேவையான பொருட்கள்:
1. இளம் இஞ்சி - 100 கிராம்
2. மிளகாய் வற்றல் - 10 எண்ணம்
3. புளி - சிறிய எலுமிச்சை அளவு
4. நல்லெண்ணெய் - 100 கிராம்
5. வெல்லம் - சிறிய துண்டு
6. கடுகு - 1 தேக்கரண்டி
7. பெருங்காயம் - 1 தேக்கரண்டி
8. பூண்டு - 25 கிராம்
9. உப்பு - தேவையான அளவு
செய்முறை:
1. இஞ்சியைத் தோல் சீவி, சுத்தம் செய்து, துண்டுகளாக நறுக்கி வைக்கவும்.
2. வாணலியில் இரண்டு தேக்கரண்டி எண்ணெய் ஊற்றிக் காய்ந்ததும், அதில் நறுக்கிய இஞ்சி, புளி, பூண்டு, உப்பு, மிளகாய் வற்றல் சேர்த்து வதக்கி ஆறவிடவும்.
3. ஆறியதும் அதனை விழுதாக அரைக்கவும்.
4. மீதமுள்ள எண்ணெயை வாணலியில் ஊற்றிக் காய்ந்ததும், கடுகு, பெருங்காயம் தாளித்து, அரைத்த விழுதைச் சேர்த்துச் சுருள வதக்கவும்.
5. எண்ணெய் மிதந்து வரும்போது வெல்லம் சேர்த்துக் கிளறி இறக்கவும்.
*****
 இது முத்துக்கமலம் இணைய இதழின் படைப்பு.
|