நெல்லிக்காய் ஊறுகாய்
சித்ரா பலவேசம்
தேவையான பொருட்கள்:
1. நெல்லிக்காய் (பெரியது ) - 6 எண்ணம்.
2. மிளகாய் பொடி - 2 தேக்கரண்டி.
3. கடுகு - 2 தேக்கரண்டி.
4. வெந்தயம் - 2 தேக்கரண்டி.
5. பெருங்காயம் - 1 தேக்கரண்டி.
6. எலுமிச்சை சாறு - 2 தேக்கரண்டி.
7. உப்பு - 1 1/2 தேக்கரண்டி.
8. எண்ணெய் - 3 தேக்கரண்டி.
செய்முறை:
1. நெல்லிக்காயை மிகச் சிறியதாக நறுக்கிக் கொள்ள வேண்டும்.
2. கடுகு 1 1/2 தேக்கரண்டி, வெந்தயம் 2 தேக்கரண்டி இரண்டையும் தனித்தனியே வெறும் வாணலியில் வறுத்து பொடித்துக் கொள்ள வேண்டும்.
3. வாணலியில் எண்ணெய் விட்டு 1/2 தேக்கரண்டி கடுகு, பெருங்காயம் போட்டு பொரிந்ததும் வறுத்த பொடி, நெல்லிக்காய், உப்பு, எலுமிச்சை சாறு எல்லாவற்றையும் போட்டு 1/2 நிமிடம் கிளறி இறக்கி விட வேண்டும்.
குறிப்பு:
புளிப்புச் சுவை விரும்பாதவர்கள் எலுமிச்சைச் சாறு சேர்க்காமல் செய்யலாம்.
*****

இது முத்துக்கமலம் இணைய இதழின் படைப்பு.