சோள மாவுக் கொழுக்கட்டை
ராஜேஸ்வரி மணிகண்டன்
தேவையான பொருட்கள்:
1. சோளம் – 200 கிராம்
2. சின்ன வெங்காயம் – 5 எண்ணம்
3. கேரட் - 25 கிராம்
4. உருளைக்கிழங்கு - 50 கிராம்
5. பச்சைப்பட்டானி - 50 கிராம்
6. பச்சை மிளகாய் - 2 எண்ணம்
7. கடுகு, உளுந்து & கடலைப்பருப்பு - 1 தேக்கரண்டி
8. நெய் - 1 தேக்கரண்டி
9. ந.எண்ணெய் - 1 தேக்கரண்டி
10. உப்பு - தேவையான அளவு
11. கருவேப்பிலை - சிறிது
12. மல்லித்தழை - சிறிது.
செய்முறை:
1. சோளத்தை மிதமான தீயில் வறுத்து, மாவாக அரைத்துக் கொள்ளவும்.
2. சின்ன வெங்காயம், பச்சை மிளகாயை நறுக்கி வைத்துக் கொள்ளவும்.
3. கேரட், உருளைக்கிழங்கு ஆகியவற்றைப் பொடிதாக நறுக்கி வைக்கவும்.
4. சோள மாவுடன் உப்பு, நெய் சேர்த்துப் பிசிறி, தண்ணீர் தெளித்து ஆவியில் வேகவிட்டு எடுக்கவும்.
5. கடாயில் எண்ணெய் விட்டுக் காய்ந்ததும் கடுகு, உளுத்தம்பருப்பு, கடலைப்பருப்பு போட்டுத் தாளிக்கவும்.
6. தாளிசத்துடன் நறுக்கிய பச்சை மிளகாய், சின்ன வெங்காயம், கேரட், உருளைக்கிழங்கு, பச்சைப் பட்டாணி, கறிவேப்பிலை, கொத்தமல்லித்தழை சேர்த்து நன்றாக வதக்கவும்.
7. ஆவியில் வேகவைத்த சோள மாவை காய்கறிக் கலவையுடன் நன்கு கலந்து, கொழுக்கட்டைகளாகப் பிடித்து வைக்கவும்.
8. பிடித்து வைத்த கொழுக்கட்டைகளை இட்லிச்சட்டியில் வைத்து ஆவியில் வேகவிட்டு எடுக்கவும்.
*****

இது முத்துக்கமலம் இணைய இதழின் படைப்பு.