கருப்புக் கொண்டைக்கடலை சுண்டல்
ராஜேஸ்வரி மணிகண்டன்
தேவையான பொருட்கள்:
1. கருப்பு கொண்டைக்கடலை - 1 கப்
2. சீரகம் - 1/2 மேசைக்கரண்டி
3. பெருங்காயத்தூள் - 1/4 மேசைக்கரண்டி
4. தக்காளி (நறுக்கியது) - 1/2 கப்
5. வெங்காயம் (நறுக்கியது) - 1/2 கப்
6. பச்சை மிளகாய் - 1 எண்ணம்
7. மல்லித்தூள் - 1/2 மேசைக்கரண்டி
8. மஞ்சள் தூள் - 1/4 மேசைக்கரண்டி
9. மிளகாய்த்தூள் - 2 மேசைக்கரண்டி
10. சன்னா மசாலா - 2 மேசைக்கரண்டி
11. உப்பு - தேவையான அளவு
12. மல்லித்தழை (நறுக்கியது) - 1/4 கப்
13. எலுமிச்சைச் சாறு - 2 மேசைக்கரண்டி
14. நல்லெண்ணெய் - 1 மேசைக்கரண்டி
செய்முறை:
1. முதலில் சுண்டலை 4 முதல் 5 மணி நேரம் தண்ணீர் ஊற்றி ஊற வைக்கவும்.
2. ஊறிய சுண்டலை நன்கு கழுவி, குக்கரில் போட்டு, அதில் 2 கப் தண்ணீர் ஊற்றி அடுப்பில் வைத்து 1 மேசைக்கரண்டி உப்பு சேர்த்து குக்கரை மூடி 3 - 4 விசில் வரை வேக விட்டு இறக்கவும்.
3. ஒரு கடாயில் எண்ணெய் ஊற்றிக் காய்ந்ததும், சீரகம், பெருங்காயத்தூள் சேர்த்துப் பொன்னிறமாக வரும் வரை வதக்கவும்.
4. அதனுடன் தக்காளி, பச்சை மிளகாய் சேர்த்து சில நிமிடங்கள் வதக்கவும்.
5. அதன் பின்பு, மல்லி தூள், மஞ்சள் தூள், சன்னா மசாலா சேர்த்து ஒரு நிமிடம் கிளறி விடவும்.
6. அதன் பிறகு, வேகவைத்த சுண்டலை சேர்த்து 1 கப் தண்ணீரை ஊற்றி, தேவையான அளவு உப்பு சேர்த்து, தண்ணீர் சுடும்வரை அடுப்பில் வைத்து பிரட்டவும்.
7. தண்ணீரானது முற்றிலும் சுண்டிய பின்பு, அதில் மல்லித்தழை மற்றும் எலுமிச்சைச் சாறு சேர்த்து கிளறி இறக்கவும்.
*****

இது முத்துக்கமலம் இணைய இதழின் படைப்பு.