தாளித்த கருப்புக் கொண்டைக்கடலை சுண்டல்
ராஜேஸ்வரி மணிகண்டன்
தேவையான பொருட்கள்:
1. கருப்புக் கொண்டைக் கடலை - 500 கிராம்
2. பெரிய வெங்காயம் - 2 எண்ணம்
3. பச்சை மிளகாய் - 3 எண்ணம்
4. மிளகாய் வற்றல் - 2 எண்ணம்
5. கடுகு - 1/2 தேக்கரண்டி
6. உளுந்தம் பருப்பு - 1/2 தேக்கரண்டி
7. தேங்காய்த் துருவல் - 2 மேசைக்கரண்டி
8. கறிவேப்பிலை - சிறிதளவு
9. உப்பு - தேவையான அளவு
10. எண்ணெய் - தேவையான அளவு
செய்முறை:
1. கறுப்பு கொண்டைக்கடலையை 8 மணி நேரம் ஊற வைத்துப் பின்பு, தண்ணீரை வடிகட்டி வைக்கவும்.
2. தண்ணீர் வடிகட்டிய கொண்டக்கடலையுடன் தண்ணீர் ஊற்றி, உப்பு சேர்த்து வேக வைத்து, தண்ணீரை வடித்து வைக்கவும்.
3. ஒரு வாணலியில் எண்ணெய் ஊற்றிக் காய்ந்ததும், அதில் கடுகு, உளுந்தம் பருப்பு போட்டு, கடுகு பொறிந்ததும், கறிவேப்பிலை, பச்சைமிளகாய், மிளகாய் வற்றல், நறுக்கி வைத்த பெரிய வெங்காயம் சேர்த்துப் பொன்னிறமாக வதக்கவும்.
4. அடுத்து அதனுடன் வெந்த கொண்டைக்கடலை, தேங்காய் துருவலைச் சேர்த்துக் கிளறி இறக்கவும்.
*****

இது முத்துக்கமலம் இணைய இதழின் படைப்பு.