இட்லி மாவு வடை
கவிதா பால்பாண்டி
தேவையான பொருட்கள்:
1. இட்லி மாவு - 2 கப்
2. சின்ன வெங்காயம் - 1 கப்
3. பச்சை மிளகாய் - 3 எண்ணம்
4. தேங்காய்த் துருவல் - 1/4 கப்
5. எண்ணெய் - தேவையான அளவு
6. கறிவேப்பிலை - சிறிது
7. உப்பு - தேவையான அளவு
தாளிக்க:
8. கடுகு - 1/2 தேக்கரண்டி
9. உளுத்தம்பருப்பு - 2 தேக்கரண்டி
10. கடலைபருப்பு - 2 தேக்கரண்டி.
செய்முறை:
1. ஒரு வாணலியில் சிறிது எண்ணெய் ஊற்றிக் காய்ந்ததும், அதில் கடுகு, உளுத்தம்பருப்பு, கடலைப்பருப்பு போட்டுத் தாளிக்கவும்.
2. தாளிசத்துடன் வெங்காயம், பச்சை மிளகாய், இஞ்சி, உப்பு சேர்த்து வதக்கவும்.
3. நன்கு வதங்கியதும் அதில் தேங்காய்த் துருவல், கறிவேப்பிலை சேர்த்து வதக்கவும்.
4. வதக்கிய அனைத்தையும் இட்லி மாவில் சேர்த்து, நன்கு கலக்கவும்.
5. ஒரு வாணலியில் எண்ணெய் ஊற்றிக் காய்ந்ததும், அதில் கலந்து வைத்திருக்கும் இட்லி மாவைச் சிறு சிறு போண்டாக்களாகப் போட்டு, வெந்ததும் எடுக்கவும்.
*****

இது முத்துக்கமலம் இணைய இதழின் படைப்பு.