முளைக்கீரை - பருப்பு வடை
ராஜேஸ்வரி மணிகண்டன்
தேவையான பொருட்கள்:
1. முளைக்கீரை - 1 கட்டு
2. கடலைப்பருப்பு - 50 கிராம்
3. மிளகாய் வற்றல் - 4 எண்ணம்
4. சோம்பு - 1 தேக்கரண்டி
5. வெங்காயம் - 1 எண்ணம்
6. இஞ்சி - 1 துண்டு
7. மல்லித்தழை - சிறிது
8. கறிவேப்பிலை - சிறிது
9. எண்ணெய் - தேவையான அளவு
10. உப்பு - தேவையான அளவு.
செய்முறை:
1. கடலைப்பருப்பை ஊற வைத்து வடித்து வைக்கவும்.
2. முளைக்கீரை, வெங்காயம் ஆகியவற்றைச் சிறிதாக வெட்டி வைக்கவும்.
3. இஞ்சியைத் துருவி வைக்கவும்.
4. ஊற வைத்த கடலைப்பருப்புடன், மிளகாய் வற்றலைச் சேர்த்துக் கரகரப்பாக அரைக்கவும்.
5. அதனுடன் சோம்பு, வெங்காயம், முளைக்கீரை, இஞ்சித் துருவல், மல்லித்தழை, கறிவேப்பிலை, உப்பு சேர்த்துப் பிசைந்து கொள்ளவும்.
6. ஒரு வாணலியில் எண்ணெய் ஊற்றிக் காய்ந்ததும், அதில் மாவை வடைகளாக தட்டிப் போட்டுப் பொரித்தெடுக்கவும்.
*****

இது முத்துக்கமலம் இணைய இதழின் படைப்பு.