1. மைதா மாவு – 1 கப்

2. பெரிய வெங்காயம் – 4 எண்ணம்

3. பூண்டு – 10 பல்

4. இஞ்சி – 1 சிறிய துண்டு

5. பச்சை மிளகாய் – 2 எண்ணம்

6. மிளகாய்த்தூள் – 1 தேக்கரண்டி

7. சீரகம் – 1 தேக்கரண்டி

8. கறிவேப்பிலை - சிறிது

9. எண்ணெய் - தேவையான அளவு

10. உப்பு – தேவையான அளவு.

1. வெங்காயம், பூண்டு, இஞ்சி, பச்சை மிளகாய் ஆகியவற்றை மெல்லியதாக நறுக்கிக் கொள்ளவும்.

2. மைதாவுடன் ஒரு தேக்கரண்டி எண்ணெய், சிறிதளவு உப்பு சேர்த்து பூரி மாவு பதத்துக்கு பிசையவும்.

3. வாணலியில் எண்ணெய் ஊற்றிக் காய்ந்ததும், அதில் சீரகம் தாளித்து நறுக்கிய வெங்காயம், பூண்டு, இஞ்சி, பச்சை மிளகாய் மற்றும் உப்பு, மிளகாய்த்தூள் சேர்த்து, வெங்காயம் பொன்னிறமாகும் வரை வதக்கி, நறுக்கிய கறிவேப்பிலை தூவி இறக்கவும்.

4. பிசைந்து வைத்துள்ள மாவை எடுத்து மிகச் சிறிய அளவு உருண்டைகளாக உருட்டி, மிக மெல்லிய சப்பாத்திகளாகத் தேய்க்கவும்.

5. பிறகு 4, 5 சப்பாத்திகளை ஒன்றன் பின் ஒன்றாக அடுக்கிச் சூடான தோசைக்கல்லில் போட்டு உடனடியாக திருப்பிவிட்டு எடுக்கவும்.

6. பிறகு தனித்தனியாக பிரித்து ஒவ்வொன்றையும் பாதியாக வெட்டவும். அதை முக்கோண வடிவில் மடித்து உள்ளே வெங்காய மசாலாவை வைத்து ஓரங்களைத் தண்ணீர் தொட்டு ஒட்டவும்.

7. கடாயில் எண்ணெய் ஊற்றி மிதமாகக் காய்ந்ததும் சமோசாக்களைப் போட்டுப் பொரித்தெடுக்கவும்.

இது முத்துக்கமலம் இணைய இதழின் படைப்பு.