1. உளுத்தம் பருப்பு – 1 கப்

2. மிளகு – 1 தேக்கரண்டி

3. அரிசி மாவு – 1 தேக்கரண்டி

4. உப்பு – தேவையான அளவு

5. எண்ணெய் – தேவையான அளவு

1. உளுத்தம் பருப்பை முப்பது நிமிடங்கள் ஊறவைத்துக் கழுவி, தண்ணீரை ஒட்ட வடித்து விட்டு ஒரு வடிகட்டியில் போட்டு வைக்கவும்.

2. மிளகை கொரகொரப்பாகப் பொடித்துக் கொள்ளவும்.

3. மிக்ஸியில் உளுத்தம் பருப்பைப் போட்டுத் தண்ணீர் எதுவும் சேர்க்காமல் கொரகொரப்பாக அரைத்துக் கொள்ளவும்.

4. அரைத்த விழுதை ஒரு பாத்திரத்தில் போட்டு, அத்துடன் அரிசி மாவு, மிளகுத்தூள், உப்பு சேர்த்து நன்றாகப் பிசைந்து கொள்ளவும்.

5. ஒரு வாணலியில் எண்ணெய் ஊற்றிக் காய்ந்ததும், ஒரு சுத்தமான ஈரத்துணியில், ஒரு சிறு எலுமிச்சம் பழ அளவிற்கு மாவை எடுத்து வைத்து மெல்லிய வடையாகத் தட்டவும்.

6. வடையைத் துணியிலிருந்து கவனமாக எடுத்துக் காய்ந்த எண்ணெயில் போட்டு, நன்றாக சிவக்கும் வரை பொரித்தெடுக்கவும்.

இது முத்துக்கமலம் இணைய இதழின் படைப்பு.