வாழைத்தண்டு சூப்
ராஜேஸ்வரி மணிகண்டன்
தேவையான பொருட்கள்:
1. . வாழைத்தண்டு – 1 துண்டு
2. மல்லித்தழை – 1/2 கட்டு
3. மிளகுத்தூள் – 1 தேக்கரண்டி
4. சீரகத்தூள் – 1 தேக்கரண்டி
5. உப்பு – தேவையான அளவு.
செய்முறை:
1. வாழைத்தண்டைப் பொடியாக நறுக்கிக் கொள்ளவும்.
2. மல்லித்தழையைப் பொடியாக நறுக்கிக் கொள்ளவும்.
3. வாழைத்தண்டு, கொத்தமல்லி இரண்டையும் மிக்ஸியில் போட்டு, சிறிதளவு தண்ணீர் விட்டு அரைத்து அதனுடன் தேவையான அளவு தண்ணீர் சேர்த்து வடிகட்டவும்.
4. வடிகட்டியதை அடுப்பில் வைத்து மிதமான நெருப்பில் பத்து நிமிடம் வரை கொதிக்க விடவும்.
5. கொதி வந்தவுடன் உப்பு, மிளகுத்தூள், சீரகத்தூள் சேர்த்துக் கலந்து இறக்கிப் பரிமாறவும்.
குறிப்பு: வாரத்தில் இரண்டு நாட்கள் இந்தச் சூப்பை பருகி வந்தால் எடை குறையும். சிறுநீரகக் கல் இருந்தால் கரையும்.
*****

இது முத்துக்கமலம் இணைய இதழின் படைப்பு.