1. பீன்ஸ் - 50 கிராம்

2. கேரட் - 50 கிராம்

3. சின்ன வெங்காயம் - 5 எண்ணம்

4. தக்காளி - 1 எண்ணம்

5. பச்சை மிளகாய் - 3 எண்ணம்

6. பாசிப்பருப்பு - 50 கிராம்

7. மஞ்சள்தூள் - 1/4 கரண்டி

8. சீரகத்தூள் - 1/4 கரண்டி

9. பட்டை - சிறிது

10. கிராம்பு - 2 எண்ணம்

11. ஏலக்காய் - 1 எண்ணம்

12. சோம்பு - 1/4 கரண்டி

13. எண்ணெய் - தேவையான அளவு

14. உப்பு - தேவையான அளவு

15. மல்லித்தழை - சிறிது

1. பாசிப்பருப்பை நன்கு கழுவி ஒரு குக்கரில் போட்டு, மஞ்சள் தூள் சேர்த்து 2 டம்ளர் தண்ணீர் ஊற்றி 3 விசில் வரை வேக வைத்து எடுத்துக் கொள்ளவும்.

2. குக்கரை வைத்துச் சூடானதும் அதில் சிறிது எண்ணெய் ஊற்றிக் காய்ந்ததும், அதில் சோம்பு, பட்டை, கிராம்பு, ஏலக்காய் போட்டுத் தாளிக்கவும்.

3. அதன் பிறகு, அதனுடன் பொடியாக நறுக்கிய வெங்காயம், பச்சை மிளகாய் போட்டு வதக்கவும்.

4. அதில் நறுக்கிய தக்காளியைப் போட்டு வதக்கவும்.

5. அதனுடன் பொடியாக நறுக்கிய பீன்ஸ், கேரட், தேவையான அளவு உப்பு போட்டு வதக்கவும்.

6. அதில் வேக வைத்த பாசிப்பருப்பைத் தண்ணீருடன் ஊற்றி, அதனுடன் கூடுதலாக 2 டம்ளர் தண்ணீர் ஊற்றி நன்றாகக் கலந்து விடவும்.

7. அத்திடன் 1/4 கரண்டி சீரகத்தூள் போட்டு குக்கரை மூடி 2 விசில் வரை வேகவிட்டு அடுப்பை அணைக்கவும்.

8. அதில் கடைசியாக மல்லித்தழை தூவிப் பரிமாறவும்.

*****

இது முத்துக்கமலம் இணைய இதழின் படைப்பு.