1. வறுத்த உளுத்தம் பருப்பு மாவு - 1 கப்

2. தேங்காய் - 1 எண்ணம்

3. அரிசி மாவு - 4 கப்

4. வெண்ணெய் - 1 மேசைக்கரண்டி

5. சீரகம் - 1/2 தேக்கரண்டி

6. மிளகு - 1/2 தேக்கரண்டி

7. தேங்காய் எண்ணெய் - தேவையான அளவு

8. உப்பு - தேவையான அளவு

1. மிளகு, சீரகம் போன்றவற்றை கரகரப்பாக பொடித்துக் கொண்டு, இதனுடன் வறுத்து அரைத்த உளுத்தம் பருப்பு மாவு, சலித்த அரிசி மாவு, உப்பு ஆகியவை சேர்த்து நன்றாக கலந்து கொள்ளவும்; பின்னர் வெண்ணெயைச் சேர்த்து மாவை நன்கு பிசைந்து கொள்ளவும்; பிசைந்து வைத்த மாவை 4 அல்லது 5 பகுதியாக பிரித்துக் கொள்ளவும்.

2. தேங்காயைத் துருவி சிறிது நீர் சேர்த்து, அரைத்து வடிகட்டி கெட்டியான தேங்காய்பால் எடுத்துக் கொள்ளவும்.

3. பிரித்து வைத்த மாவுகளில், ஒரு பகுதி மாவை மட்டும் தனியே எடுத்து, சிறிது தேங்காய்ப்பால் சேர்த்து பதமாகப் பிசைந்து கொள்ளவும்.

4. ஈரமான துணியின் மேல், பிசைந்து வைத்த மாவினை சிறிய முறுக்காக பிழிந்து அதை எண்ணெயில் எடுத்து போடவும்; அல்லது வடிகட்டி கரண்டியை திருப்பி அதன்மீது சின்ன வட்டமாக பிழிந்து, பின்னர் அதை அப்படியே திருப்பி எண்ணெயில் விழுமாறு செய்தும் முறுக்கு சுடலாம்.

5. முறுக்கு பொன்னிறத்தை எட்டும் வரை, அதனை எண்ணெயிலிட்டு பொரித்தெடுக்கவும்.

6. முறுக்கிலுள்ள அதிகப்படியான எண்ணெயை அகன்ற பாத்திரத்திலோ அல்லது தட்டிலோ போட்டு ஆறவைத்து, வடிகட்டி மூலம் வடித்து அகற்றலாம்.

7. இதன் பின்னர் காற்றுப்புகாத சுத்தமான பாத்திரத்தில் போட்டு வைத்துப் பயன்படுத்தவும்.

இது முத்துக்கமலம் இணைய இதழின் படைப்பு.