வேர்க்கடலை கார முறுக்கு
மாணிக்கவாசுகி செந்தில்குமார்
தேவையான பொருட்கள்:
1. வேர்க்கடலை - 1/4 கப்
2. அரிசி மாவு - 1 கப்
3. சிகப்பு மிளகாய் தூள் - 1 தேக்கரண்டி
4. எள் - 1 தேக்கரண்டி
5. பெருங்காயம் - 1/4 தேக்கரண்டி
6. வெண்ணெய் - 1 தேக்கரண்டி
7. உப்பு - தேவையான அளவு
செய்முறை:
1. வேர்க்கடலையை முதலில் நன்கு மிக்சியில் பொடி செய்து, பிறகு சிறிது தண்ணீர் சேர்த்து வழுவழுப்பாக அரைக்கவும்.
2. அகலமான பாத்திரத்தில், அரிசி மாவு, அரைத்த விழுது, மிளகாய்த் தூள், எள், பெருங்காயம், வெண்ணெய் (இளகிய நிலையில்) சேர்த்து நன்கு கலக்கவும்.
3. அதன் பிறகு, தேவையான தண்ணீர் தெளித்து மாவாகப் பிசையவும்.
4. ஒரு வாணலியில் எண்ணெய் ஊற்றிக் காய்ந்ததும், முறுக்கு அச்சில், மாவை நிரப்பி, எண்ணெய்யில் நேராகப் பிழியலாம் (அல்லது) சில தட்டையான கரண்டிகளில் எண்ணெய் தடவி, அதன் மேல் அழகாகப் பிழிந்து எண்ணெய்யில் போடலாம்.
5. ஒரு புறம் வெந்ததும், மறுபுறம் திருப்பிப் போட்டு வேக வைத்து எடுக்கவும்.
*****

இது முத்துக்கமலம் இணைய இதழின் படைப்பு.