1. பொடித்த சீனி- 250 கிராம்

2. வெண்ணெய்- 250 கிராம்

3. முட்டை- 4 எண்ணம்

4. மைதா மாவு- 250 கிராம்

5. பேக்கிங் பவுடர்- 2 தேக்கரண்டி

6. ஆரஞ்சு எஸென்ஸ் அல்லது ரோஸ் எஸென்ஸ்- 2 கரண்டி

1. வெண்ணெயை குளிர் சாதனப் பெட்டியிலிருந்து எடுத்து வெளியில் வைக்கவும். அது மிருதுவான பதத்துக்கு வரும் போதுதான் கேக் செய்ய ஆரம்பிக்க வேண்டும்.

2. சீனியை நன்கு மாவாகப் பொடித்துக் கொள்ள வேண்டும்.

3. மாவையும் பேக்கிங் பவுடரையும் கலந்து மூன்று முறை சலிக்கவும்.

4. முட்டைகளை வெள்ளைக்கரு, மஞ்சள் கரு என்று தனித்தனியாகச் சிறிது கூட மஞ்சள் கரு கலப்பில்லாது எடுத்து வைக்கவும்.

5. பிறகு வெள்ளைக்கருவை மட்டும் அடித்துக் கலக்கிக் கொண்டேயிருக்கவும். அது, கட்டித் தயிர் போலத் திரண்டு வரும். கட்டியான பாளம் போல தயிர் பதத்தில் வந்ததும் அடிப்பதை நிறுத்தவும்.

6. இதே போன்று மஞ்சள் கருவையும் அடித்துக் கலக்கி வைக்கவும்.

7. ஒரு அகன்ற பாத்திரத்தை எடுத்து, அதில் இளகிய வெண்ணெய், சீனியைப் போட்டு நன்கு அடிக்கவும்.

8. வெள்ளைக்கருவை ஒவ்வொரு கரண்டியாக எடுத்துச் சேர்த்துக் கலக்கவும்.

9. அதன் பிறகு, அடித்து வைத்த மஞ்சள் முட்டைக் கருவையும் கொஞ்சம் கொஞ்சமாகச் சேர்த்துக் கலக்கவும்.

10. மாவை ஒவ்வொரு கரண்டியாக சேர்த்து மெதுவாகக் கலக்கவும்.

11. கடைசியாக, எஸென்ஸ் சேர்த்துக் கலந்து கேக் ட்ரேயில் ஊற்றிப் பரப்பவும்.

12. சூடாக்கப்பட்ட அவனில் வைத்து, 160 டிகிரி C-யில் சுமார் 20 நிமிடங்கள் முதல் 30 நிமிடங்கள் வரை வேக வைக்கவும்.

13. பத்து நிமிடங்கள் கழித்து வெளியே எடுத்து ஆற வைத்து விரும்பியபடி துண்டுகளிடவும்.

இது முத்துக்கமலம் இணைய இதழின் படைப்பு.