1. பெரிய உருளைக்கிழங்கு - 3 எண்ணம்

2. மிளகு - 1/4 தேக்கரண்டி

3. உப்பு - தேவையான அளவு

ஸ்டஃப்பிங் செய்ய:

4. பச்சைப் பட்டாணி - 3 கப்

5. இஞ்சி - சிறிய துண்டு

6. கரம் மசாலாத் தூள் - 1/4 தேக்கரண்டி

7. மிளகாய்த்தூள் - 1/4 தேக்கரண்டி

8. சீரகம் - 1 தேக்கரண்டி

9. எண்ணெய் - தேவையான அளவு

10. உப்பு - தேவையான அளவு

1. உருளைக்கிழங்கை முக்கால் பதத்திற்கு வேக வைத்து எடுக்கவும்.

2. மிளகை பொடித்து கொள்ளவும். இஞ்சியைத் துருவிக்கொள்ளவும்.

3. ஒரு பாத்திரத்தில் வேகவைத்த உருளைக்கிழங்கு உப்பு மற்றும் மிளகு சேர்த்து சப்பாத்தி மாவு போல் பிசைந்து வைக்க வேண்டும். பின்னர் அதை உருண்டைகளாக உருட்டிக் கொள்ளவும்.

4. பச்சை பட்டாணியை வேக வைத்து மசித்து எடுத்துக் கொள்ளவும்.

5. சீரகத்தை எண்ணெய் இல்லாமல் வறுத்துக் கொரகொரப்பாகப் பொடித்து வைக்கவும்.

6. வேகவைத்த பட்டாணியுடன் இஞ்சி, கரம் மசாலா, உப்பு, மிளகாய் தூள், சீரகப் பொடி சேர்க்கவும்.

7. எல்லாவற்றையும் சேர்த்து நன்கு மசித்து விட்டு பிசைந்து வைக்கவும்.

8. கையில் சிறிதளவு எண்ணெய் தேய்த்துக் கொண்டு உருளை உருண்டையை தட்டி நடுவில் பட்டாணி கலவையை வைத்து (கொழுக்கட்டை போல்) மூடி வேண்டிய வடிவத்தில் தட்டி வைக்கவும்.

9. இதைப் போல் எல்லா உருளைக்கிழங்கு உருண்டையிலும் கலவையை வைத்து வட்டமாகத் தட்டி வைக்கவும்.

10. தோசைக்கல்லை அடுப்பில் வைத்து எண்ணெய் ஊற்றிச் சூடானதும் உருளைக்கிழங்கு டிக்கியை அடுக்கவும்.

11. ஒரு பக்கம் பொன்னிறமாக வெந்ததும் மறுபக்கம் திருப்பி போட்டு ஒரு தேக்கரண்டி எண்ணெய் ஊற்றி பொன்னிறமானதும் எடுக்கவும்.

குறிப்பு: சட்னி சேர்த்துச் சாப்பிடச் சுவையாக இருக்கும். சட்னி இல்லாமலும் சாப்பிடலாம்

இது முத்துக்கமலம் இணைய இதழின் படைப்பு.