........  ஒவ்வொரு மாதமும் மாதமிருமுறை   1 மற்றும் 15 ம் தேதிகளில் புதுப்பிக்கப்படுகிறது .......

                                         
         இணையத்தில் ஒரு இலக்கியப் படைப்பு...                இது தமிழ் ஆர்வலர்களின் இலக்கியத் துடிப்பு...

as

Your Advertisement  Here / உங்கள் விளம்பரம் இங்கு இடம் பெற

as

கவிதை:122

பெருமைகள் பெண்ணாலே...

உயிர்கள் தோன்றுவது பெண்ணாலே
உறவுகள் மலர்வது பெண்ணாலே
உள்ளம் மகிழ்வது பெண்ணாலே
உரிமைக்குரல் ஒலிப்பதும் பெண்ணாலே

பண்புகள் வளர்வது பெண்ணாலே
பாசம் பொங்குவது பெண்ணாலே
பசி மறைவது பெண்ணாலே
பாரினில் இன்பம் பெண்ணாலே

இல்லறம் அமைவது பெண்ணாலே
ஈருயிர் இணைவது பெண்ணாலே
இன்னல் மறைவது பெண்ணாலே
இலக்குகள் அடைவதும் பெண்ணாலே

குத்துவிளக்கு எரிவது பெண்ணாலே
குலமகள் சிரிப்பது பெண்ணாலே
குற்றங்கள் குறைவது பெண்ணாலே
சுற்றம் நிலைப்பதும் பெண்ணாலே

விருந்தோம்பல் நடப்பது பெண்ணாலே
வீரம் விளங்குவது பெண்ணாலே
வில்லங்கம் ஒழிவது பெண்ணாலே
வில்லன்கள் அழிவதும் பெண்ணாலே

அழகுக்கு அழகு பெண்ணாலே
அம்மாவுக்கு அர்த்தம் பெண்ணாலே
அன்பு ஊற்றெடுப்பது பெண்ணாலே
அண்டம் சுழல்வதும் பெண்ணாலே

ஐம்புலன் இயங்குவது பெண்ணாலே
ஆண்கள் வாழ்வது பெண்ணாலே
ஆற்றல் பெருகுவது பெண்ணாலே
வெற்றிகள் குவிவதும் பெண்ணாலே

எத்தனை எத்தனை
பெருமைகள் பெண்ணாலே
எனக்கொரு பிறவி இனியிருந்தால்
பிறப்பேன் நானும் அவள் போலே!

-ஜான் பீ. பெனடிக்ட், வாசிங்டன் DC.

 
m
 

ஜான் பீ.பெனடிக்ட் அவர்களின் இதர படைப்புகள

முந்தைய கவிதைகள் காண

 

 
                                                                                                                                                                                                                 முகப்பு

Dedicated By : Muthukamalam Educational and Charitable Trust, 19/1, Sugathev Street, Palanichettipatti,Theni-625531, India.