முத்துக்கமலம்-இணையத்தில் ஒரு இலக்கியப் படைப்பு... கவிதை

........ ஒவ்வொரு மாதமும் மாதமிருமுறை 1 மற்றும் 15 ம் தேதிகளில் புதுப்பிக்கப்படுகிறது .......

இணையத்தில் ஒரு இலக்கியப் படைப்பு... இது தமிழ் ஆர்வலர்களின் இலக்கியத் துடிப்பு...
as
Your Advertisement Here / உங்கள் விளம்பரம் இங்கு இடம் பெற
as
கவிதை: 238 நாசமாகப் போவுது...! துள்ளிப் பாயும் வாலிபன்-உழைப்பால் தோலுறிந்த கிழவன் பல்லிலித்து மனமகிழ-இங்கு பவனிவந்த தேர்தல் விழா. ஐந்தாண்டிற்கு ஒருமுறை-நாட்டில் ஆர்ப்பரிக்கும் திருவிழா கொள்ளையடிக்க உரிமைப்பெற-மக்களைக் கூட்டிப் பார்க்கும் பெருவிழா. கைநிறையப் பொட்டலம்-கையில் காந்திபடக் கலர்க் காகிதம் காது காது வைத்தார்போல்-மக்களுக்கு கப்பம் கட்டிய பெருமிதம். ஊர்த் திருவிழா-ஆண்டுபூரா உழைத்தக் காசு மிஞ்சல உறவோடு உறவாடி-வாழ்வில் உளம்மகிழ நடைபோட்டேன். தேர்தல் திருவிழா-இன்று தேடிவந்த வண்ணக்கூட்டம் தெருவில் நின்று வணங்கி நிற்க-ஒரு நிமிடம் திகைத்து நின்றேன் மெய் மறந்தேன். கேளாத மொழிக் கேட்டேன்-அவர்கள் கீழ்ப்படிய, கூச்சப்பட்டேன் கேட்டபடி ஓட்டு என்றேன்-அவர்கள் கெஞ்சிக் குனிந்து போகப் பார்த்தேன். பக்கத்தில் நின்ற தாத்தா-ஏளனமா பார்த்து முகம் சுளிக்க பளிச்சென்று எடுத்துரைத்தார்-நான் பணிவுடனே அவரைக் கேட்க. கொலையாளி கொள்ளையாளி-மற்றவர்கள் குடிகெடுக்கும் கோமாளி கொஞ்சி குனிந்து நடிக்க-மனம் கொந்தளிக்கப் பார்த்தேன் என்றார். கோடி கோடி சேர்த்தக் கூட்டம்-மனதில் கொலைவெறி கொண்ட கூட்டம் சாராயப் பணம் பண்ணி-தன்படத்தை சந்தி சந்தி நிறுத்தும் கூட்டம். என் நலமே உன் நலமென-பிறரை எப்போதும் எண்ணச் செய்யும் எந்நாளும் தானே ஆட்சிசெய்ய-வலிந்து ஏற்ற சூழ்ச்சிச் செய்யும் கூட்டம். கூட்டுச் சேர்ந்து கொள்ளையடிக்க-அமைந்த கோமாளிகள் கூட்டணி தனிப்பட்ட கொள்கைதனை முன்னிறுத்தி-தினம் தனக்கு கோடி சேர்க்கப் பேரணி. எதிலும் பங்கு கேட்பார்-நாட்டில் ஏற்றம் என்று தினம் பாடிடுவார் எதிர்ப்பவரை இடுப்பொடிக்க-ஏதுவா ஏற்றப் பட்டம் தீவிரவாதி என்பார். ஐந்தாண்டில் கறந்தப் பணம்-இன்று அடைமழையாய்க் கொட்டுது அடுத்ததற்குப் பணம் பண்ண-இனி அனைத்து ஊழலும் பண்ணப் போவுது. நல்லோர்கள் உளம்குமுற-அவர்கள் நாவோ சாபம் கொட்டுது நன்றிக் கெட்ட கூட்டத்தால்-தமிழகம் நாசமாகப் போவுது...! -பொன்பரப்பியான்.
m
பொன்பரப்பியான் அவர்களது மற்ற படைப்புகள் முந்தைய கவிதைகள் காண

முகப்பு

Dedicated By : Muthukamalam Educational and Charitable Trust, 19/1, Sugathev Street, Palanichettipatti,Theni-625531, India.