........  ஒவ்வொரு மாதமும் மாதமிருமுறை   1 மற்றும் 15 ம் தேதிகளில் புதுப்பிக்கப்படுகிறது .......

as

Your Advertisement  Here / உங்கள் விளம்பரம் இங்கு இடம் பெற

as

கவிதை: 263

உனக்கான செய்தியிது...!

நீ மறைந்து விட்ட மாலைகளில்
நான் தேடுகின்ற பொழுதுகளில்
என்னில் நீந்துகின்ற நினைவுகளில்
உனைக் காண்கின்றேன் வானவில்லாய்

கொஞ்சம் அந்தி வானத்து
மஞ்சள் கலந்த வதனத்தில்
சிந்தும் புன்னகையின் ஓரத்தில்
மிஞ்சும் தேன் துளிகள் அதரத்தில்
வஞ்சி உனைக்காணா ஏக்கங்கள்

அன்னம் போன்ற நடை பயின்று
மின்னும் மெல்லிடை கொண்டு
முன்னம் ஏவிய பார்வைக் கணைகள்
இன்னும் என்னுள் கீறும் வேதனை

என்னுள் விளையும் உணர்வுகளை
விண்ணில் மேகக் கூட்டங்களாய்
உன்னுள் பகிர்ந்திடும் வேளையிது
உனக்கே உனக்கான செய்தியிது

-சக்தி சக்திதாசன், லண்டன்.
 

சக்தி சக்திதாசன் அவர்களது இதர படைப்புகள்

      முந்தைய கவிதைகள் காண