முத்துக்கமலம்-இணையத்தில் ஒரு இலக்கியப் படைப்பு... கவிதை

........ ஒவ்வொரு மாதமும் மாதமிருமுறை 1 மற்றும் 15 ம் தேதிகளில் புதுப்பிக்கப்படுகிறது .......

இணையத்தில் ஒரு இலக்கியப் படைப்பு... இது தமிழ் ஆர்வலர்களின் இலக்கியத் துடிப்பு...
as
Your Advertisement Here / உங்கள் விளம்பரம் இங்கு இடம் பெற
as
கவிதை: 533 மாற்றம் வேண்டும்! பணத்தாலும் பதவியாலும் தத்தம் பெருமை பேசிவரும் ஈனரிங்கு சாய வேண்டும் பிணமென நிற்பார் எழ வேண்டும் பள்ளத்தில் வீழ்ந்தார் மீள வேண்டும் குணத்தொடு நிற்பார் வந்துபார்த் திரங்க குனிந்த மாந்தரி லொளி வேண்டும் பணத்தாலே எல்லாம்ஆம் எனும்நிலை மாற பண்பட்ட தூயோரிங் குதித்தல் வேண்டும் தண்மதி தந்திடும் தண்ணளிபோ லிங்கு தரமிகும் மானுடரால் வேண்டும் களிப்பு கண்ணொடு புண்கொள் கருத்தும் விலகிட கயமை மடிந் தொழிய வேண்டும் தண்டலை யெங்கனும் நலமிக வோங்கி தரணி யுயர்ந்திட வேண்டும் இம் மண்டல மெங்கனும் சாதி யொழிந்து மாண்புறு மனிதம் வளர வேண்டும் வீண்பேச்சு பேசிப்பேசி சமர் ஓட்டும் வீண ரிங்கு மடிய வேண்டும் மண்ணுக்கு வழக்குப்பேசி நாளோட்டும் தீய மாக்கள் ஆறறிவொடு மீள வேண்டும்! -கலைமகன் பைரூஸ், இலங்கை.
m
கலைமகன் பைரூஸ் அவர்களது பிற படைப்புகள் முந்தைய கவிதைகள் காண

முகப்பு

Dedicated By : Muthukamalam Educational and Charitable Trust, 19/1, Sugathev Street, Palanichettipatti,Theni-625531, India.