• பயிர் செய்யும் போது ஒருவன் தனியாக உழைக்கிறான். அறுவடை செய்யும் போது நண்பர்கள் சுற்றி வளைக்கிறார்கள் 

- ஆஸ்திரேலியா.

• நாக்குதான் மனிதனைக் கொல்கிறது; நாக்குதான் மனிதனைக் காப்பாற்றுகிறது.

- ஆப்பிரிக்கா.

• தூக்கம் வந்துவிட்டால் தலையணை தேவையில்லை. காதல் வந்துவிட்டால் அழகே தேவையில்லை. 

-ஆப்கானிஸ்தான்.

• நாளை கிடைக்கும் கோழியை விட இன்று கிடைக்கும் முட்டை மேலானது 

- அல்பேனியா.

• ஆரோக்கியம் உள்ளவனுக்கு நம்பிக்கை இருக்கும். நம்பிக்கை உள்ளவனுக்கு எல்லாம் இருக்கும். 

- அரேபியா.

• பணத்தை இழந்தால் சொற்ப நஷ்டம். நேரத்தை இழந்தால் எல்லாமே நஷ்டம்.

-அர்மீனியா.

•  கட்டுப்பாடு இல்லாமல் வாழ்கின்றவன் கவுரவமில்லாமல்தான் சாவான்.

 -அயர்லாந்து.

• வெள்ளத்தோடு வந்தவையெல்லாம், வெள்ளம் வடிந்தவுடன் போய் விடும்.

-அமெரிக்கா.

•  ஒருவன் நிர்வாணமாக இருக்கும் போது எழுந்து நிற்பதைவிட உட்கார்ந்திருப்பது மேலானது. 

-அங்கேரி.

• மணம் செய்யும் போதும், மாத்திரை சாப்பிடும் போதும் மிக அதிகமாகச் சிந்திக்கக் கூடாது. 

-ஹாலந்து.

• மனித இனம் பெருந்தன்மையானதுதான். ஆனால் மனிதர்கள் சிறுமையுள்ளவர்களாக இருக்கிறார்கள். 

-ஸ்பெயின்.

• வேலைக்காரனுக்கு நல்ல உணவு கொடுத்தால் -பசு அதிகமாகப் பால் கறக்கும்! பூனை கொஞ்சமாகப் பால் குடிக்கும். 

-ஸ்வீடன்.

• அடுத்தவன் வீட்டை நீ உலுக்கினால் உன் வீடு சீக்கிரம் உன் தலையில் விழும்.

 -சுவிட்சர்லாந்து.

• ஆடுகளின் ஒற்றுமை-சிங்கத்தைப் பட்டினியாகப் படுத்திருக்கச் செய்கிறது.

-சான்ஸிபார்

• உன் அடுத்த வீட்டுக்காரனை நேசி. ஆனால் உன் வீட்டு வேலியை எடுத்து விடாதே!

 -ஜெர்மனி.

• உடலின் அழுக்கு கழுவினால் போகும். மனதின் அழுக்கு மரணத்தில்தான் போகும்.

 -வங்காளம்.

• ஒரு பெண் விரும்பினாலும் சரி, வெறுத்தாலும் சரி -எதையும் செய்யத் துணிந்து விடுகிறாள். 

-லத்தீன்.

• இளமை முதுமையை நோக்கி விரைகிறது. இன்பம் துன்பத்தை நோக்கி நகருகிறது.

-ருமேனியா.

•  நோயாளி கொஞ்சம் சாப்பிடுகிறான். ஆனால், அதிகம் செலவழிக்கிறான். 

-ரஷ்யா.

• யாருடைய குறைகளை எண்ணிவிட முடியுமோ அவர் ஒரு பெரிய மனிதராவார். 

-யுகோஸ்லேவியா.

• காதல் பெண்ணின் காது வழியாகவும், ஆணின் கண் வழியாகவும்தான் முதலில் நுழைகிறது.

-போலந்து.

•  புகை நுழைய முடியாத இடத்திலும் போதனைகள் நுழைந்து விடும். 

-போர்ச்சுக்கல்.

• முட்டாள்தனத்தை மூலதனமாகக் கொண்டு செயல்படும் எந்தச் செயலும் வெற்றியை ஈட்டுத் தராது. 

-பெல்ஜியம்.

• செல்வத்தை மறைக்கலாம். ஆனால், வறுமையை மறைக்க முடியாது. 

-பின்லாந்து.

• நேற்று முட்டையிலிருந்து வெளி வந்தது. இன்று அது முட்டையைப் பழிக்கிறது.

 -துருக்கி.

• கன்று, முட்டையும் வேண்டுமென்றால் பசுவையும், கோழியையும் பயமுறுத்தக் கூடாது.

 -திபெத்.

• பணத்தை அடிக்கடி குறை கூறுவார்கள். ஆனால் அதை யாரும் மறுப்பதில்லை.

 -டென்மார்க்.

• வாழ்க்கையில் தோல்வியுற்ற ஒருவனிடம், உனது வெற்றியைப் பற்றி பேசுவது, அவனது பகையைச் சம்பாதிப்பதாகும்.

-சீனா.

• புலியைப் பிடிக்க வேண்டுமானால், நீ முதலில் மலைப் பக்கம் போக வேண்டும். 

-கொரியா.

• நோய் வந்தபோது ஒருவன் தன் உயிரைப் பற்றி நினைக்கிறான். சுகமான போது பணத்தைப் பற்றி நினைக்கிறான். 

-ஜப்பான்.

தொகுப்பு: தாமரைச்செல்வி