ஏகநாதர் மகாராஷ்டிரத்தில் வாழ்ந்த மகான். அவர் தினந்தோறும் கோதாவரியில் நீராடி வருவார்.

ஒரு நாள் அப்படி அவர் திரும்பிய வழியில் நாஸ்திகன் ஒருவன் தன் வீட்டு மாடியிலிருந்து ஏகநாதரின் தலையில் வெற்றிலை எச்சிலைத் துப்பினான்.

'யார்? என்ன?' என்று கூடப் பார்க்காமல் ஏகநாதர் அமைதியாகத் திரும்பிச் சென்று ஸ்நானம் செய்தார்.

திரும்பவும் அவர் நாஸ்திகனது வீட்டைத் தாண்டியபோது அவன் எச்சிலைத் துப்பினான்.

மறுபடி ஸ்நானம் செய்தார் ஏகநாதர். 108 முறை இவ்வாறு நடந்தது.


அதன் பின்புதான் நாஸ்திகன் ஏகநாதரது பெருமையை உணர்ந்தான். அவரது பாதங்களில் வீழ்ந்து வணங்கினான். அவரிடம் மன்னிப்புக் கோரினான்.

அவன் கூறியதைக் கேட்ட ஏகநாதர், "அப்பா, உண்மையில் வணங்கத் தகுந்தவன் நீதான். உன்னால்தான் இன்று கோதாவரியில் 108 முறை ஸ்நானம் செய்த புண்ணியம் கிடைத்தது'’ என்றார்.

இது முத்துக்கமலம் இணைய இதழின் படைப்பு.