கோபம் என்பது....!
  உள்ளத்தில் கோபம் இருந்தால் மட்டுமே வெளியில் எதிரி இருக்க முடியும். - கெளதம புத்தர்
கோபம் முட்டாள்களின் நெஞ்சில் மட்டுமே குடியிருக்கிறது. - ஆல்பர்ட் ஐன்ஸ்டீன்
சரியான இடத்தில், சரியான நபருக்கு எதிராக, சரியான விதத்தில், சரியான நேரத்தில், சரியான கால அளவில் கோபப்படும் மனிதனை நாங்கள் போற்றுகின்றோம். - அரிஸ்டாட்டில்
கோபம் அகிம்சையின் எதிரி, அகங்காரம் அதை விழுங்கும் ஒரு அரக்கன். - மகாத்மா காந்தி
நீங்கள் உங்கள் கோபத்தை ஆக்கபூர்வமாகப் பயன்படுத்தினால் கோபத்தில் தவறில்லை. - வெய்ன் டயர்
நீங்கள் அனுமதிக்காதவரை உங்களை யாரும் பொறாமைப்படவோ, கோபப்படவோ, பழிவாங்கவோ அல்லது பேராசைப்படவோ வைக்க முடியாது. - நெப்போலியன் ஹில்
உண்மையைப் பேசுங்கள். உங்களால் முடிந்ததைக் கொடுங்கள். ஒருபோதும் கோபப்படாதீர்கள். இந்த மூன்று படிகளும் உங்களை இறைவனை நோக்கி வழிநடத்தும். - கெளதம புத்தர்
ஒரு மனிதனின் மேன்மையை எது அவனைக் கோபப்படுத்துகிறது என்பதை வைத்துக் கூற முடியும். - ஆபிரகாம் லிங்கன்
பெரும் கோபமும் வன்முறையும் ஒருபோதும் ஒரு தேசத்தை உருவாக்காது. - நெல்சன் மண்டேலா
யார் வேண்டுமானாலும் கோபப்படலாம் அது எளிதானது, ஆனால் சரியான நபருடன், சரியான அளவில், சரியான நேரத்தில், சரியான நோக்கத்திற்காக, சரியான முறையில் கோபப்படும் ஆற்றல் அனைவருக்கும் இல்லை மற்றும் அது எளிதானது அல்ல. - அரிஸ்டாட்டில்
உங்களைக் கோபப்படுத்தும் எந்தவொரு நபரும் உங்கள் எஜமானராக மாறுகிறார். நீங்கள் அனுமதித்தால் மட்டுமே அவர் உங்களைக் கோபப்படுத்த முடியும். - எபிக்டெட்டஸ்
கோபத்தில் தொடங்கப்படும் எதுவும், அவமானத்தில் முடிகிறது. - பெஞ்சமின் பிராங்க்ளின்
பயம் என்பது இருண்ட பக்கத்திற்கான பாதையாகும். பயம் கோபத்திற்கு வழிவகுக்கிறது. கோபம் வெறுப்புக்கு வழிவகுக்கிறது. வெறுப்பு துன்பத்திற்கு வழிவகுக்கிறது. - ஜார்ஜ் லூகாஸ்
உங்களைக் கோபப்பட வைப்பவர், உங்களை வெல்வார். - எலிசபெத் கென்னி
நீங்கள் கோபமாக இருக்கும் ஒவ்வொரு நிமிடமும், அறுபது விநாடிகள் உங்கள் மன அமைதியை இழக்கிறீர்கள். - ரால்ப் வால்டோ எமர்சன்
யாரேனும் செய்த தவறுக்காக நீங்கள் கோபப்படும்போது, உங்கள் சொந்தத் தவறுகளைக் கொஞ்சம் ஆராயுங்கள். பிறகு உங்கள் கோபத்தை மறந்து விடுவீர்கள். - எபிக்டெட்டஸ்
ஆத்திரம் என்பது நீங்கள் விஷம் குடித்துவிட்டு, மற்றவர் இறப்பார் என காத்திருப்பதைப் போன்றது. - கேரி ஃபிஷர்
கோபம் எதற்குமே தீர்வாகாது என்பதை நினைவுபடுத்துகிறேன், அது எதையுமே உருவாக்காது, ஆனால் அது எல்லாவற்றையும் அழித்துவிடும். - தாமஸ் எஸ். மோன்சன்
கோபம் ஒரு தற்காலிக பைத்தியக்காரத்தனம், எனவே உங்கள் உணர்ச்சிகளைக் கட்டுப்படுத்துங்கள், அல்லது அது உங்களைக் கட்டுப்படுத்தும். - ஹோரேஸ்
கோபம் ஒரு மிகப்பெரிய சக்தி. உங்களால் அதைக் கட்டுப்படுத்த முடிந்தால், இந்த முழு உலகையும் நகர்த்தக்கூடிய சக்தியாக அதை மாற்றலாம். - வில்லியம் ஷென்ஸ்டோன்
நீங்கள் கோபமாக இருந்தால் பேசுவதற்கு முன் ஒன்று முதல் பத்து வரை எண்ணுங்கள். மிகவும் கோபமாக இருந்தால், ஒன்று முதல் நூறு வரை எண்ணுங்கள். - தாமஸ் ஜெபர்சன்
ஒரு சிறந்த போராளி ஒரு போதும் கோபப்படுவதில்லை. - லாவோசி
உங்கள் குழந்தைகளுக்கு ஒருபோதும் கோபப்பட வேண்டாம் என்று கற்பிக்காதீர்கள்; எப்படிக் கோபப்பட வேண்டும் என்பதை அவர்களுக்குக் கற்றுக் கொடுங்கள். - லைமன் அபோட்
ஒரே நேரத்தில் கோபப்படுவதும் சிரிப்பதும் உங்களால் சாத்தியமற்றது. கோபமும் சிரிப்பும் ஒன்றுக்கொன்று வேறுபட்டது.மேலும், இரண்டில் ஒன்றைத் தேர்வு செய்யும் அதிகாரம் உங்களுக்கு உள்ளது. - வெய்ன் டயர்
கோபத்திற்குச் சிறந்த நிவாரணி தாமதித்தல். - ப்ரிகாம் யங்
நீங்கள் சரியாக இருக்கும்போது, நீங்கள் கோபப்பட வேண்டிய அவசியமில்லை, நீங்கள் தவறாக இருக்கும்போது, உங்களுக்கு கோபப்பட உரிமை இல்லை. - மகாத்மா காந்தி
தொகுப்பு:- பா. காருண்யா, மதுரை.
*****
 இது முத்துக்கமலம் இணைய இதழின் படைப்பு. |
இணையத்தில் ஒரு இலக்கியப் படைப்பு! இது தமிழ் ஆர்வலர்களின் இலக்கியத் துடிப்பு!! ISSN: 2454-1990
அச்சிட
விமர்சிக்க
விருப்பத் தளமாக்க
