* ஒரே கடவுள்தான் உண்டு. அறிவின் ஊற்றுநீர் வீச்சுதான் கடவுள்.

* மனிதர்களுக்கு நல்லது செய்வது தான் கடவுளுக்குச் செய்யும் மிக மிக நல்ல தொண்டு.

* கடவுள், தன் நற்கருணையால் இந்த உலகத்தை ஆள்கிறார்! அவரைப் போற்றுவதும் ஆராதனை செய்வதும்தான் அவரை நாம் வழிபாடு செய்தலாகும்.

* ஆத்மா அழிவற்றது.

* பணத்தின் மதிப்பு தெரிய வேண்டுமா? எங்கேயாவது சென்று கொஞ்சம் கடன் வாங்கிப்பார்!

* மங்கையர், மது, சூது, பித்தலாட்டம் எல்லாம் செல்வத்தைத் தேய்க்கும் படைகள். தேவைகளைப் பெருக்கும் நோய்கள்.

* நேரம்தான் பணம் என்பதை நினைவிலே நிறுத்து! அதற்கேற்ப உழை! கணக்கில் இருப்பதும் பணம்தான்! ஞாபகத்தில் வை.

* பணம் என்பது குட்டிபோட்டு இன விருத்தி செய்யும் இயற்கையானது என்பதை மறந்து விடாதே.

* பணம் குட்டி போடும். அந்தப் பணம் மேலும் பல குட்டிகளை ஈன்று இனம் பெருக்கும்! எனவே, பணம் பிரசவிக்கும் ஓர் ஜீவன்!

* நூறு பணத்தை முதலில் சம்பாதித்து விட்டால், அடுத்த நூறு பணம் சம்பாதிப்பது மிகச் சுலபமாகும்.

* கடன் வாங்காதே! அதை வாங்கியவர்களை விட கொடுத்தவர்களுக்கு நல்ல நினைவாற்றல் உண்டு மறக்க மாட்டார்கள்.


* தன்னடக்கமாக இரு. அதிக உணவை உண்டு மந்தமாக வாழாதே! போதை வெறி ஏறும்படி மதுபானத்தைக் குடிக்காதே,

* உனக்கோ, பிறருக்கோ நன்மை தரும் என்றால் ஒழிய அதிகமாகப் பேசாதே! அற்பமான வார்த்தைகளை அலசி அலசி ஆத்திரப்பட்டு உளராதே!

* எதையும் ஒழுங்குபடுத்து. எந்தப் பொருளையும் அவற்றிற்குரிய இடங்களிலே வைத்துப் பாதுகாத்துக் கொள். அதனதன் தேவை நேரும் போது கையாண்டு கொள்.

* காலத்தை வீணாக்காதே! போனால் திரும்பி வராது; உனக்குப் பயன்படுவதிலேயே உனது நேரத்தைச் செலவழி; அனாவசியமான செயல்களை அகற்றிவிடு.

* பொருளைக் காப்பாற்று! கண்டபடி அதை செலவழிக்காதே! உனக்கோ, மற்றவர்களுக்கே நன்மை தருமானால் செலவு செய்! ஒரு காசையும் துச்சமாக வீணாக்காதே.

* பிறரைத் துன்புறுத்தாமல் நேர்மையாக நட. கபடு, சூடு, பொய், பழிக்குப் பழி, பாவம் எதையும் நேர்மை தவறிச் செய்யாதே! எதைப் பேசினாலும் எங்கே பேசினாலும், எப்போது பேசினாலும் உண்மை ஒன்றையே உரையாடு.

* சுத்தமாக இரு. வாழும் இடத்தையும் சுத்தமாக வைத்துக் கொள்; உணவு, உடை, பழக்க வழக்கங்களிலும் அசுத்த எண்ணங்களுக்கு இடம் தராதே!

* குழத்தை பெறுவதற்காகவோ, உடல் நலத்திற்காகவோ மட்டும் அபூர்வமாக ஆண்-பெண் உறவு கொள், மானத்திற்கு களங்கம் ஏற்படுமாறு மாற்றாரிடம் ஆண் - பெண் உறவு தொடராதே!

* பணிவாக நடக்கக் கற்றுக்கொள்! சகிப்புத்தன்மையோடு வாழ முற்படு. இயேசு நாதரையும் சாக்ரடீசையும் முன்னுதாரணமாகக் கொண்டு வாழக் கற்றுக்கொள்.

* தன்னடக்கம்தான் உயிர்ப்பண்பு. அது மூளைக்குத் தெளிவைத் தரும்; குளிர்ச்சியைக் கொண்டு வரத் தூண்டும்; ஆசை, கவர்ச்சி, ஆத்திரம், கோபம் என்ற மனத்துன்பங்களிலே இருந்து உன்னையே நீ உணர்ந்து காப்பாற்றிக் கொள்.

* பருவப் பெண்களை விட வயதான பெண்களையேத் தேர்ந்தெடுங்கள். புத்திளம் பெண்களை விட, வயதான் பெண்களே - அதாவது சிறுசுகளை விட பெரிசுகளே மெல் என்ன காரணம் தெரியுமா?

* அரசியல்வாதிகள் என்றால் தவறுகளையே அதிகமாகச் செய்வார்கள். அதற்குச் சரித்திரத்திலே ஏராளமான சான்றுகள் இருக்கின்றன.

* எங்கு சுதந்திரம் வாழ்கிறதோ அங்கு தான் என் நாடு இருக்கிறது.

* நாம் எல்லோரும் ஒன்றாகக் கழுத்தைக் கட்டிக் கொண்டு ஒற்றுமையாகத் தொங்குவோம். இல்லையென்றால், நாம் தனித்தனியாகவே தூக்கில் தொங்க நேரிடுவது நிச்சயம்.

* நல்ல போர் என்ற ஒன்று இருந்ததில்லை; கெட்ட சமாதானம் என்று ஒன்று இருந்தது இல்லை.

* பலவிதமான கட்சிகளின் பலவிதமான கொள்கை நோக்கங்களே குழப்பங்களுக்குக் காரணமாகும்.

* ஒரு கட்சியானது பொது நோக்குடன் செயல்பட வேண்டும். சுயநலப்போக்கு மக்களிடம் பகையை உருவாக்கி விடும்.

* பொது விவகாரங்களில் ஈடுபடுவோர் சிலர்தான். மனித குலத்துக்கு நன்மை உண்டாக வேண்டும் என்ற நோக்கத்துடன் அவர்கள் பாடுபடுவார்கள்.

* இந்த உலகில் சாவையும் வரியையும் விட வேறு எதுவும் நிச்சயம் இல்லை.


* வறுமைதான் பெரும்பாலும் மனிதனிடமுள்ள நல்ல பண்புகளையும் ஜீவனையும் தின்று விடுகின்றது.

* உலகம் என்பது சக்கரம்! அது சுழன்று சுழன்று நேராகவே வந்து சேரும்.

* காதல் என்றால் என்ன? நீ காதலிக்கப்பட வேண்டும் என்றால், நீ காதலிப்பவனாகவும், காதலுக்கு உகந்தவனாகவும் இருக்க வேண்டும்.

* எங்கே காதல் இல்லாமல் திருமணம் ஆகின்றதோ அங்கே திருமணமில்லாமல் காதலும் இருக்கும்.

* அடிக்கடி வெட்டப்படும் மரமோ, அடிக்கடி பிரிந்து போகும் குடும்பமோ, நிலையான மரத்தையும், நிலையான குடும்பத்தையும் போலச் செழித்து ஓங்கியதைக் காண முடியாது.

* ஆணும்-பெண்ணும் ஒன்று சேர்வதிலேதான் மனிதத் தன்மையை பரிபூரணமாக்குகின்றது.

* திருமணம் ஆகாத தனி மனிதன், அரைகுறையான மிருகம்தான். பாதிக் கத்திரிக்கோல்போல் பார்ப்பவர்களுக்குத் தோற்றமளிப்பான்.

* பெண்கள் எல்லாம் புத்தகங்களா? அப்படியானால், நான் ஆண்டாண்டு தோறும் பெண்ணை மாற்றியமைக்கும் பஞ்சாங்கமாக இருப்பேன்.

*****

இது முத்துக்கமலம் இணைய இதழின் படைப்பு.