* நம் வீடு இறைவனுடையது.
* காய் கனிந்தால், தானாக விழும்.
* ஒரு பெண்ணைப் பற்றி_அவதுாறு சொல்வதைப் பார்க்கினும், ஒர் ஆலயத்தை எரிப்பது குறைந்த பாவம்.
* காதலுக்கும் செல்வத்திற்கும் துணை வேண்டியதில்லை.
* பெண்ணின் காதல் சைத்தானின் வலை.
* ஒரு சகோதரிக்குத் திருமணம் நடந்தால், அடுத்தவளுக்கும் ஆகும். ஒரு தொட்டி விற்றால், அடுத்ததும் விலையாகும்.
* அதிர்ஷ்டத்தில் உயர்ந்தது நல்ல கணவன் வாய்ப்பது; அடுத்தது நல்ல வேலைக்காரன் வாய்ப்பது.
* என்னை என் குடும்பத்திலிருந்து காப்பாற்றுங்கள்; என் எதிரிகளை நானே பார்த்துக் கொள்கிறேன்.
* தரையை வைத்து வீடு கட்டப் பெறுவதில்லை. ஒரு பெண்ணை வைத்தே கட்டப் பெறுகின்றது.
* வீடுதோறும் புகைக் கூண்டு கறுப்பாய்த்தான் இருக்கும்.
* பொன்னை விட வல்லமையுள்ள பகைவன் இல்லை.
* வைக்கோல் இருக்கிறதா என்று பசுவுக்கு என்ன கவலை?
* அழகுக்கு அவசரம் அதிகம், விகாரம் மெல்ல நடக்கும்.
* மூடனாயும் புத்திசாலியாயும் இருக்க முடிந்தவனே அறிவாளி.
* ஆனந்தமாய்ப் பாடிக் கொண்டிருப்பவன் தீமை செய்ய நினைக்கவில்லை.
* அடுத்த வீட்டு வாசலில் குரங்காட்டி வந்துவிட்டால், நீயும் காசு எடுத்து வைத்துக்கொள்.
* உண்மையாளரின் மொழி எப்போதும் எளிமையாகவே இருக்கும்.
* மெலிந்த குதிரை மீதுதான் ஈக்கள் இருக்கும்.
* காடு முழுவதையும் வெட்ட வேண்டாம், வீட்டிற்கு விறகு இல்லாமலும் போக வேண்டாம்.
* நேரமும் ஒய்வுமிருந்தால், தவளையும் ஒரு மைல் துள்ளிச் செல்லும்.
* ஆண்டுகள் அழகுக்கு மரியாதை செலுத்துவதில்லை.
* உடுத்தி வரும் பட்டைப் பூச்சி அரிப்பதில்லை.
* நாம் கைகளை உபயோகித்தால் அறிவு :பெறுகிறோம்; மூளையை உபயோகித்தால் வலிமை பெறுகிறோம்: இதயத்தை உபயோகித்தால் இரக்கம் பெறுகிறோம்.
* பணப்பையைக் காப்பது கடவுளல்ல, அதைக் கட்டி வைத்திருக்கும். கயிறுதான்.
* கந்தலைத் தைத்து நூலை வீணாக்க வேண்டாம்; கிழவியை முத்த மிட்டு நாளை வீணாக்க வேண்டாம்.
* ஈர நிலத்திற்குக் கொஞ்சம் மழை போதும்.
* வயிற்றை ஏமாற்ற முடியாது.
* எந்த இரையும் வெண்ணையிலே பொரித்தால், நன்றாய்த்தானிருக்கும்.
* அறுத்து வைத்த ரொட்டி உண்பதற்கு எளிது.
* கோடைக்காலத்துக் களிப்பைப் போன்றவன் அமைதியான காலத்தில் படைவீரன்.
* அமைதியாக வாழ விரும்புவோன் ஒரு கையில் நெருப்பு, ஒரு கையில் தண்ணீர் வைத்துக் கொண்டேயிருக்க வேண்டும்.
* நீ புதிதாகக் கற்கும் ஒவ்வொரு மொழியும் உனக்கு ஒரு ஆன்மா போன்றது.
இணையத்தில் ஒரு இலக்கியப் படைப்பு! இது தமிழ் ஆர்வலர்களின் இலக்கியத் துடிப்பு!! ISSN: 2454-1990
அச்சிட
விமர்சிக்க
விருப்பத் தளமாக்க
