அனுபவம் ஒரு நம்பகமான விளக்கு. அதைத் துணையாகக் கொண்டு வழி நடக்கலாம்: ஒரு மனிதன் வெற்றியடைவதற்குத் தான் முன்னால் கையாண்ட வழிகளையே எதிர்காலத்தில் பயன்படுத்த எண்ணினால், அவனை ஆலோசனையில்லாதவன் என்று சொல்ல முடியாது.

- அ. வெண்டல் ஃபிலிப்ஸ்

 பழமைகளின் கனி, அனுபவம், அதுவே எதிர்காலங்களையெல்லாம் உருவாக்குகின்றது.

- அ. ஆர்னால்டு

 அனுபவம் மெதுவாகத்தான் கற்பிக்கும் தவறுகள் அதற்குரிய செலவுகள்.

- ஃப்ருடு

 உனக்குப் பழமை தெரியும், அதிலிருந்து எதிர்காலத்திற்கு வேண்டிய எச்சரிக்கையைப் பெறமுடியும்; மனிதன் இதைத் தவறுகளிலிருந்து படிக்கிறான். அவைகளிலிருந்தே அனுபவம் பெறுகிறான்.

- ஷெல்லி

 வாழ்க்கையில் படித்தலும், படித்ததை மறத்தலும் அடக்கியுள்ளன. ஆனால், பெரும்பாலும் படிப்பதை விட, மறந்து வருதலே அறிவுடைமையாகும்.

- புல்லர்

 கஷ்டப்பட்டதன் சாரமே அனுபவம்

- ஏ. ஹெல்ப்ஸ்

 அனுபவத்தைப் பிறருக்குக் கற்றுக் கொடுக்க முடியாத ஒரு மனிதன் மற்றொருவனுடைய கஷ்டத்திலிருந்து பாடம் கற்றுச் கொள்ளமாட்டான். அவன் தானே கஷ்டப்பட வேண்டும்.

- காலெரிட்ஜ்

 கப்பலின் பின்பகுதியிலுள்ள விளக்குகளால் கப்பல் கடந்து வந்த வழிக்குத்தான் வெளிச்சம் தெரியும். இதைப் போலவேதான் பெரும்பாலான மனிதர்களுக்கு அனுபவமும்

- காலெரிட்ஜ்

 அனுபவம் என்ற பள்ளிக்கூடம் செலவு மிகுந்தது. ஆனால் மூடர்கள் வேறு எங்கும் படிக்க மாட்டார்கள்: அந்தப் பள்ளியில் படிப்பதும் அரிதுதான். ஏனென்றால், நாம் ஆலோசனை சொல்ல முடியுமே அன்றி. ஒழுக்கத்தை அள்ளி ஊட்ட முடியாது.

- பிராங்க்லின்

 வயதையும் அனுபவத்தையும் கொண்டு புதிய அறிவு பெறாமல், எந்த மனிதனும் வாழ்க்கையை நடத்தத் தேவையான திறமை அனைத்தையும் பெற்றிருக்கவில்லை.

- டெரென்ஸ்

 உலகத்தின் சோதனைகளுக்கு உட்படாமலும், அதனிடம் பாடம் படிக்காமலும். ஒருவன் நிறைவுள்ள மனிதனாக விளங்க முடியாது. அநுபவம் ஊக்கமாக உழைப்பதிலிருந்து கிடைக்கின்றது. காலத்தின் வேகம் அதைச் செம்மைப்படுத்துகின்றது.

- ஷேக்ஸ்பியர்

 அனுபவம் தெரிவிக்கும் விதிகள், தத்துவம் பேசுவோர் தங்கள் நூல் நிலையங்களில் இருந்து கொண்டு கூறும் விளக்க உரைகளை விட மேலானவை.

- ஆர். எஸ். ஸ்டோர்ஸ்

 நான் சிறுவனாயிருந்த பொழுது ஒவ்வொரு விஷயத்தையும் உறுதியாக நம்பி வந்தேன். சில ஆண்டுகளுக்குப் பின்னால், ஆயிரம் தவறுகளைக் கண்டறிந்த பின், நான் முன் போல் பெரும்பாலான விஷயங்களைப் பாதியளவு கூட நம்பவில்லை. இப்பொழுது கடவுள் அருள் கூர்ந்து தெளிவாக்கியுள்ளதைத் தவிர, வேறு எந்த விஷயத்தையும் நான் நம்புவதில்லை.

- ஜான் வெஸ்லி

 பிடிவாதமுள்ள மனிதர்களுக்கு அவர்கள் அடையும் கஷ்ட நஷ்டங்களே ஆசிரியர்கள்.

- ஷேக்ஸ்பியர்

 அனுபவம் ஓர் உயர்ந்த நகை. அது அவ்வளவு அரியதாகத்தான் இருக்கும்; ஏனெனில், மிகவும் கூடுதலான விலை கொடுத்தே அது வாங்கப்பட்டிருக்கின்றது.

- ஷேக்ஸ்பியர்

 ஒவ்வொரு நாளும் அதற்கு முன்னால் கழிந்து சென்ற நாளின் சீடனாகும்.

- பப்ளியஸ்ஸைரஸ்

 அனுபவத்திற்கு அளவு கடந்த சம்பளம் கொடுக்க வேண்டியிருக்கின்றது. ஆனால், அதற்கு நிகராகச் சொல்லிக் கொடுக்கும் ஆசிரியர் வேறில்லை.

- கார்லைல்

 அறிவிலிகளுக்கும் அயோக்கியர்களுக்கும் அனுபவமே பொதுவான பள்ளிக்கூடம் அறிவும் ஒழுக்கமுமுள்ள மனிதர்கள் வேறு முறையில் பயிற்சி பெறுகின்றனர்.

- எராஸ்மஸ்

*****

இது முத்துக்கமலம் இணைய இதழின் படைப்பு.