1. காளிகா தாண்டவம்
சிவபெருமான் படைத்தல் பணி செய்யும் போது ஆடும் தாண்டவம், காளிகா தாண்டவம். திருநெல்வேலி, நெல்லையப்பர் கோயில் தாமிர சபையில் இந்தத் தாண்டவம் நடைபெற்றது.
2. சந்தியா தாண்டவம்
சிவபெருமான் காத்தல் பணி செய்யும் போது ஆடும் தாண்டவம், சந்தியா தாண்டவம். மதுரை, மீனாட்சி அம்மன் கோவில் வெள்ளி அம்பலத்தில் இந்தத் தாண்டவம் நடைபெற்றது.
3. சங்கார தாண்டவம்
சிவபெருமான் அழித்தல் பணி செய்யும் போது ஆடும் தாண்டவம், சங்கார தாண்டவம்.
4. திரிபுர தாண்டவம்
சிவபெருமான் மறைத்தல் பணி செய்யும் போது ஆடும் தாண்டவம், திரிபுர தாண்டவம். குற்றாலம், குற்றாலநாதர் கோவில் சித்திர சபையில் இந்தத் தாண்டவம் நடைபெற்றது.
5. ஊர்த்தவ தாண்டவம்
சிவபெருமான் அருளல் பணி செய்யும் போது ஆடும் தாண்டவம், ஊர்த்துவ தாண்டவம். திருவாலங்காடு, ஊர்த்தவதாண்டவர் கோவில் இரத்தின சபையில் இந்தத் தாண்டவம் நடைபெற்றது.
6. ஆனந்த தாண்டவம்
சிவபெருமான் மேற்காணும் ஐந்து பணிகளையும் செய்யும் போது ஆடும் தாண்டவம், ஆனந்த தாண்டவம். சிதம்பரம், நடராஜர் கோவில் கனக சபையில் இந்தத் தாண்டவம் நடைபெற்றது.
7. கௌரி தாண்டவம்
சிவபெருமான் பார்வதிக்காக ஆடிய தாண்டவம் கௌரி தாண்டவம். திருப்பத்தூர் தலத்தில் இந்தத் தாண்டவம் நடைபெற்றது.
8. அஜபா நடனம்
சிவபெருமான் மேல்மூச்சில், கீழ்மூச்சில் (தவளை போல்) அசைந்தாடிய நடனம் அஜபா நடனம். திருவாரூர் தலத்தில் இந்த நடனம் நடைபெற்றது.
9. உன்மத்த நடனம்
சிவபெருமான் பித்தனைப் போல் தலை சுற்றி ஆடிய நடனம் உன்மத்த நடனம். திருநள்ளாறு தலத்தில் இந்த நடனம் நடைபெற்றது.
10. தரங்க நடனம்
சிவபெருமான் கடல் அலை போல் அசைந்து ஆடிய நடனம் தரங்க நடனம். நாகப்பட்டினம் தலத்தில் இந்த நடனம் நடைபெற்றது.
11. குக்குட நடனம்
சிவபெருமான் கோழி போல் ஆடிய நடனம் குக்குட நடனம். திருக்காறாயில் தலத்தில் இந்த நடனம் நடைபெற்றது.
12. பிருங்க நடனம்
சிவபெருமான் வண்டு மலரைக் குடைவது போல் ஆடிய நடனம் பிருங்க நடனம். திருக்கோளிலி தலத்தில் இந்த நடனம் நடைபெற்றது.
13. கமல நடனம்
சிவபெருமான் தாமரை காற்றில் அசைவது போல் ஆடிய நடனம் கமல நடனம். திருவாய்மூர் தலத்தில் இந்த நடனம் நடைபெற்றது.
14. ஹம்சபாத நடனம்
சிவபெருமான் அன்னம் போல் அடியெடுத்து ஆடிய நடனம் ஹம்சபாத நடனம். திருமறைக்காடு (வேதாரண்யம்) தலத்தில் இந்த நடனம் நடைபெற்றது.