பூத கணங்கள் என்பவை இந்து தொன்மவியலில் குறிப்பிடப்படுகின்ற பதினெண் கணங்களில் ஒரு கணம் ஆவார். இந்தப் பூதக் கணங்கள் சிவபெருமானுடைய சேவர்களாக கயிலை மலையில் இருப்பதாகச் சித்தரிக்கப்படுகிறது. பூதக்கணங்கள் சிவபெருமானின் பல்வேறு வடிவங்களோடு இணைந்து வருகிறது.
சிவாலயங்களில் பூதக் கணங்கள் தனி வரிசையாகச் செதுக்கப்படுகின்றன. அவ்வாறு செதுக்கப்படும் பூதக் கணங்கள் குறும்பு செய்பவைகளாகவும், இசை கருவிகளை வாசித்து, நடனம் ஆடுபவைகளாகவும் உள்ளன. சில சிவாலயங்களில் பூதங்கள் திருச்சுற்று சுவரின் மீது அமைக்கப்படுகின்றன. அத்துடன் கணங்களின் தலைவர் கணபதி ஆவார்.
ஆகவே இந்த முப்பது மூன்று பூத கணங்களும் நமக்கு எப்படிப்பட்ட சோதனைகளை தரும் எனப் பார்ப்போம்.
1. காம பூதம் - ஒருவரைக் காமத்தில் மோகம் கொண்டு அலையச் செய்து வீணாக்கும்.
2. ராட்சச பூதம் - மனிதனை ராட்சச குணம் கொள்ளச் செய்யும்.
3. வேதாள பூதம் - அடுத்தவரை மதிக்காமல் இருத்தல், தன்னைத் தானே அழித்துக் கொள்ளல்.
4. கிரண பூதம் - மதுவுக்கு அடிமையாக்கும், துற சகவாசம் ஏற்படுத்தும்.
5. ஷூஸ்மாண்ட பூதம் - நற் சகவாசம், ஆன்மீகப் பிரியம் ஏற்படுத்தும்.
6. யக்ஷ பூதம் - தற்கொலைக்குத் தூண்டும்.
7. பைசாச பூதம் - தெய்வத்தை நிந்திக்கச் செய்யும்.
8. சித்த பூதம் - ஞானமளிக்கும்.
9. குரவ பூதம் - பிறருக்கு ஞானத்தைப் போதிக்கச் செய்யும்.
10. கந்தர்வ பூதம் - அழகிய தேகத்தைத் தரும்.
11. அசுர பூதம் - பிராமண துவேஷம், ஞானிகளை நிந்தித்தல், மாமிச பிரியம் கொள்ளச் செய்யும்.
12. முனி பூதம் - சாஸ்திரத்தில் நாட்டம் கொள்ளச் செய்யும்.
13. விருத்த பூதம் - உடல் கோணலைக் கொடுக்கும்.
14. தேவ பூதம் - தேவர்கள், சித்தர்கள், மகான்கள், பெரியோர்களிடத்தில் நாட்டம் கொள்ளச் செய்யும்.
15. வருண பூதம் - நீர் நிறைந்தப் பிரதேசத்தில் வாசம் கொள்ளச் செய்யும்.
16. அர்த்தபிதா பூதம் - சோம்பலைக் கொடுக்கும்.
17. ஈசுர பூதம் - சரித்திரத்தில் நாட்டம் கொள்ளச் செய்யும்.
18. வித்தியுன்மாலி பூதம் - பயம் கொள்ளச் செய்யும்.
19. நிகட பூதம் - பெண்கள் மீது நாட்டம் கொள்ளச் செய்யும்.
20. மணிவரை பூதம் - எவற்றிற்கும் பயமில்லாத் தன்மையையும், அதீதக் கோபத்தையும் கொடுக்கும்.
21. குபேர பூதம் - தன விருத்தி.
22. விருபாச பூதம் - தேகத்தில் வலிமையுண்டாக்கும்.
23. சக பூதம் - பித்தம், சதா பயம் கொள்ளச் செய்யும்.
24. சாகோர்த்த பூதம் - நிர்வாண நிலையில் தெருவெங்கும் ஓட்டம், ஞான நிலை.
25. யாகசேனா பூதம் - பெருமை, தற்புகழ்ச்சி கொள்ளச் செய்யும்.
26. நிஸ்ததேச - பெண்களை இம்சித்துப் புசித்தல், குரோத எண்ணம் கொண்டு வரும்.
27. இந்திர பூதம் - குறையாதத் தனத்தைத் தரும்.
28. நாக பூதம் - மயான வாசம், மலை வாசம்.
29. விசாக பூதம் - எல்லோரையும் எப்பொழுதும் குறை கூறிக் கொண்டிருத்தல்.
30. கசுமால பூதம் - அதீத தீனி எண்ணம்.
31. அசாத்திய பூதம் - வலிய சென்று மற்றவரை சண்டைக்கு இழுத்தல்.
32. பித்த பூதம் - மனச் சுழற்சி, பைத்திய நிலை.
33. ப்ரம்ம ராக்ஷச பூதம் - தேவர்கள், முனிகள், பிராமணர்களிடம் விரோதம்.