1. அன்னதானம் செய்தல் விரும்பிய உலகத்தில் ஒரு வருடம் வீதம் பருக்கைகளின் படி சுகித்திருப்பார்கள்.

2. கோ தானம் செய்தல் கோலோகத்தில் கிருஷ்ணருடன் வாழ்வர்.

3. பசு கன்றீனும் சமயம் ஸத் ப்ராம்மணருக்கு அல்லது கோவிலுக்குத் தானம் கொடுத்தவருக்குக் கட்டாயம் வைகுண்ட வாசம் உண்டு.

4. குடை தானம் செய்தவர் 1000 ஆண்டுகள் வருணலோகத்தில் சுகம் அனுபவிப்பார்.

5. தாமிரம், நெய், கட்டில், மெத்தை, ஜமுக்காளம், பாய், தலையனை இதில் எதைத் தானம் செய்தாலும் சந்திலலோகத்துச் சுகங்களை அனுபவிப்பார்

6. வஸ்திர தானம் கொடுத்தவர்கள், 10000 ஆண்டுகள் வாயுலோகத்தில் வாழ்வார். வஸ்திர தானம் கடவுளுக்குச் சாற்றினால் எந்தக் கடவுளுக்குச் சாற்றுகிறீர்களோ, அவர்கள் உலகத்தில் 10000 ஆண்டுகள் வாழ்வார்கள்.

7. இரத்தம், கண், உடல் தானம் கொடுத்தவர்கள் அக்னிலோகத்தில் ஆனந்தமாயிருப்பார்கள்.

8. விஷ்ணு சிவ ஆலயத்துக்கு யானை தானம் கொடுத்தவர்கள் இந்திரனுக்கு சமமான ஆசனத்தில் அமர்ந்திருப்பார்கள்.

9. குதிரையும், பல்லக்கும் தானம் கொடுத்தவர்கள் 14 இந்திரன் காலம் வரை வருணலோகத்தில் வாழ்வார்கள்.

10. நந்தவனங்களை ஆலயத்துக்கு அளிப்பவர் ஒரு மன் வந்தரகாலம் வாயுலோகத்தில் வாழ்வார்கள்.

11. தானியங்களையும், நவரத்தினங்களையும் தானம் கொடுத்தவர்கள், மறு ஜென்மத்தில் அறிவாளியாகவும் தீர்க்காயுள் கொண்டவராயும் வாழ்வார்கள்.

12. பயன் கருதாது தானம் செய்பவரின் மரணம் உன்னதமாயிப்பதோடு மீண்டும் பிறவி வாய்ப்பதில்லை.

13. நற்செயலை விரும்பிச் செய்கிறவர்கள் சூரியலோகத்திற்குச் செல்கிறார்கள்.

14. தீர்த்த யாத்திரை புரிகின்றவர்களுக்கு சத்யலோக வாசம் கிட்டுகிறது.

15. ஒரு கன்னிகையை ஒழுக்கமாக வளர்த்து விவாகம் செய்து கொடுப்பவருக்கு 14 இந்திர ஆயுட்காலம் வரை அமராவதியில் சுகித்திருப்பர்.


16. பொன், வெள்ளி ஆபரணங்களைத் தானம் கொடுத்தவர்கள் குபேர லோகத்தில் ஒரு மன் வந்தரம் வாழ்வார்கள்.

17. பண உதவி செய்பவர்கள் ஸ்வேத தீபத்தில் நெடுங்காலம் வாழ்வார்கள்.

18. நீர் நிலைகளைச் சீர்திருத்துபவரும், உண்டாக்குபவரும் ஜனலோகத்தில் நீண்டகாலம் வாழ்வார்கள்.

19. பயனுள்ள மரங்களை நட்டுப் பாதுகாப்பவர் தபோலோகத்தை அடைகிறார்கள்.

20. புராண நிகழ்ச்சிகளைக் குறிக்கும் சிற்பங்களையுடைய கோபுரம் கட்டும் செலவினை ஏற்றால் 64 ஆண்டுகள் பரமபதத்திலிருப்பார்கள்.

21. தெய்வம் பவனி வரும் வீதிகளை செம்மைப்படுத்துபவர் 10000 வருடங்கள் இந்திரலோகத்தில் சுகித்திருப்பார்.

22. பௌர்ணமியில் டோலோற்சவம் செய்பவர் இம்மையிலும் மறுமையிலும் இன்பமடைவார்.

23. தாமிரப்பாத்திரத்தில் எள்ளைத் தானம் கொடுத்தவருக்கு நற்குலத்தில் உதித்து திடகாத்திரமாக கீர்த்தியோடு பிரகாசிப்பார்.

24. சுவையான பழங்களைத் தானம் கொடுத்தவருக்கு ஒரு கனிக்கு ஒரு ஆண்டு வீதம் கந்தர்வ லோகத்தில் சுகித்திருப்பார்.

25. ஒரு சொம்பு நல்ல தண்ணீரை நல்லவர்களுக்குத் தானம் கொடுத்தவருக்கு கைலாய வாசம் கிட்டும்.

26. அருணோதயத்தில் கங்கையில் நீராடுபவர் 60000 ஆண்டுகள் பரமபத்திலிருப்பர்.

27. விரதம் நோன்புகளை பக்தியுடன் கடைபிடிப்பவர் 14 இந்திர ஆயுட்காலம் வரை சொர்க்கபுரியில் வாசம் செய்வர்.

28. சுதர்சன ஹோமமும,; தன்வந்திரி ஹோமமும் செய்பவர் ஆரோக்கியவானாக சத்ருக்களில்லாதவராக தீர்க்காயுளுடன் வாழ்வர்.

29. ஷோடச மகாலெட்சுமி பூஜையை முறையோடு செய்பவர் குலம் பதினாறு பேறுகளையும் பெற்று பெருமையுடன் விளங்குவர்.

30. கருடபுராணம் படிப்பவரும், கேட்பவரும், புண்ணிய காலங்களில் தானம் கொடுப்பவரும் தனது அந்திம காலத்தில் பரமபதத்தை அடைந்து இன்புறுவார்கள். அவர்களின் பெற்றோரும் பிதுர்களும் முக்தி பெறுகின்றனர்.


31. அஸ்வமேத யாகம் செய்தால் இந்திர பதவி அடைவார்கள்.

32. லோக ஷேமத்திற்காக யாகங்கள், ஹோமங்கள் செய்தவர்கள் ரிஷிகள் மற்றும் முனிவர்களின் ஆசிர்வாதத்தைப் பெற்று வைகுண்டம் அடைவார்கள்.

33. கல்வி தானம் மற்றும் கல்விக்காக உதவியவர்கள் பிரம்மலோகத்தில் வாழ்வார்கள்.

34. பறவைகளைக் காப்பாற்றியவர்கள் கருடனின் ஆசிர்வாதம் பெற்று வைகுண்டம் அடைவார்கள்.

35. விலங்குகளைக் காப்பாற்றியவர்கள் நந்தி தேவரின் ஆசிர்வாதம் பெற்று சிவலோகம் அடைவார்கள்.

36. தெய்வங்களின் பாடல்களை மனதார சதா சர்வ காலமும் பாடுபவர்கள் உபன்யாசம் செய்பவர்கள் பகவானுடன் ஐக்கியமாகி விடுவார்கள்.

எந்த எந்த சுகத்தை யார் யார் விரும்புகின்றார்களோ, அவரவர் அதற்குரிய பொருட்களை உயரிய ஒழுக்கமுள்ள வேதம் அறிந்த ஸத் ப்ராம்மணர்களுக்கு தானம் செய்தால் அந்தந்த சுகத்தைக் கண்டிப்பாக அடைவார்கள்.