இந்துக் கோயில்களில் நிகழும் பூசைகளின் ஒரு பகுதியாக தீபாராதனை இடம் பெறுகிறது. இது பூசையில் முக்கியமானதாகவும் இருக்கின்றது. கற்பூர ஒளியில் கிடைக்கும் தரிசனமே தீபாராதனை. தீபாரதனையின் போது பூசகர் பல விதங்களில் தீப ஒளியை இறைவனின் திருவுருவத்துக்கு முன்னர் காட்டுவார். நித்தியம், நைமித்தியம், காமியம் என்று சொல்லப்படும் அன்றாடப் பூசை, காரணம் குறித்த பூசை, விளைவு கருதிய பூசை என்னும் மூவகைப் பூசைகளிலும் தீபாராதனை இடம்பெறுகின்றது. பூசை நிகழ்வுகளின் ஒழுங்கில் நைவேத்தியம் எனப்படும் உணவு படைத்தலுக்குப் பின்னர் தீபாராதனை தொடங்கும்.
தீபாராதனைக்கு உரிய தீபங்கள் பெரும்பாலும் பித்தளை போன்ற உலோகங்களினால் செய்யப்படுகின்றன. அவற்றுள்;
* ஒரு முக தீபம் அல்லது ஒற்றைத் தீபம்
* அடுக்குத் தீபம்
* பஞ்சமுக தீபம்
* வில்வ தீபம்
* இடப தீபம்
* கும்ப தீபம்
* ஈசனாதி தீபங்கள்
* கற்பூர தீபம்
* பஞ்சராத்திரிகைத் தீபம்
- இந்தத் தீபங்கள் மட்டுமில்லாது, பூஜைக்குக் கீழ்க்காணும் பதினாறு வகைத் தீபங்கள் பயன்படுத்தப்படுகின்றன.
1. தூபம்
2. மஹாதீபம்
3. அலங்கார தீபம்
4. நாக தீபம்
5. விருட்சப தீபம் - விருஷ தீபம்
6. புருஷா மிருக தீபம்
7. ஓல தீபம்
8. கமடதி தீபம் - கமபதி தீபம்
9. கனு தீபம் - கஜ தீபம்
10. வியாண்யர தீபம் - வியாக்ர தீபம்
11. இம்ம தீபம் - சிம்ஹ தீபம்
12. துவஜ தீபம்
13. மயூர தீபம்
14. ஐந்தட்டு தீபம் - பூரண தீபம்
15. நட்சத்திர தீபம்
16. மேரு தீபம்.
இணையத்தில் ஒரு இலக்கியப் படைப்பு! இது தமிழ் ஆர்வலர்களின் இலக்கியத் துடிப்பு!! ISSN: 2454-1990
அச்சிட
விமர்சிக்க
விருப்பத் தளமாக்க
