பழந்தமிழர்கள், உணவு உட்கொள்வதை 12 வகைகளாக வகைப்படுத்தியுள்ளனர். அவை;

1. அருந்துதல் - மிகச் சிறிய அளவே உட்கொள்ளல்.

2. உண்ணல் - பசிதீர உட்கொள்ளல்.

3. உறிஞ்சல் - வாயைக் குவித்துக்கொண்டு நீரியற் பண்டத்தை ஈர்த்து உட்கொள்ளல்.

4. குடித்தல் - நீரியல் உணவை (கஞ்சி போன்றவை) சிறிது சிறிதாக பசி நீங்க உட்கொள்ளல்.

5. தின்றல் - தின்பண்டங்களை உட்கொள்ளல்.

6. துய்த்தல் - சுவைத்து மகிழ்ந்து உட்கொள்ளுதல்.

7. நக்கல் - நாக்கினால் துழாவி உட்கொள்ளுதல்.


8. நுங்கல் - முழுவதையும் ஒரு வாயில் ஈர்த்து உறிஞ்சி உட்கொள்ளுதல்.

9. பருகல் - நீரியற் பண்டத்தை சிறுகக் குடிப்பது.

10. மாந்தல் - பெருவேட்கையுடன் மடமடவென்று உட்கொள்ளுதல்.

11. மெல்லல் - கடிய பண்டத்தைப் பல்லால் கடித்துத் துகைத்து உட்கொள்ளுதல்.

12. விழுங்கல் - பல்லுக்கும் நாக்குக்கும் இடையே தொண்டை வழி உட்கொள்ளுதல்.

*****

இது முத்துக்கமலம் இணைய இதழின் படைப்பு.