“விமானப் பயணம் செய்யும் போது உங்க எழுத்தாள மூளையைக் கழட்டி வச்சிட்டு வாங்க! சாத்தியக்கூறு விதிகள் சாத்துக்குடி விதிகள் எல்லாம் பேசாதீங்க. விமானத்தில யாராவது பாம் வச்சுட்டாங்கன்னா? விமானத்தை யாரும் ஹைஜாக் பண்ணிட்டா? விமானம் விபத்துக்குள்ளாகி விட்டால்? தேவையற்ற விபரீதக் கற்பனைகள்… ஹாப்பியா ட்ராவல் பண்ணி ஹாப்பியா ஊரைச் சுற்றிப் பாருங்கோ…” பொரிந்து தள்ளினேன்.

“சரி சாத்தியக்கூறு விதிகளைப் பற்றி பேசல. இன்னொரு முக்கியமான கேள்வி…”

“கேளுங்க… செந்தில்!” என்றேன் கவுண்டமணியாய் மாறி.

“விமானங்கள்ல கிழங்கு கிழங்கா ஏர்ஹோஸ்டஸஸ் இருப்பாங்க. அவங்க அழகைப் பார்த்துக்கிட்டே விமானப்பயணம் செய்யலாம்னு சொல்வாங்க. வசந்தமாளிகைல சிவாஜிகணேசன் பறந்து கொண்டே ஒரு பாட்டு பாடுவார் நினைவிருக்கா?”

“நோ ட்ரிங்ஸ் நோ டான்ஸ் நோ ஜொள்ளு…”

அமர்ந்தபடி பார்வையைச் சுழற்றினேன்.

“யோவ் பெருசு! இதென்ன ட்ரெய்ன்னு நினைச்சியா? கம்பார்ட்மென்ட் முழுக்க ரவுண்ட் அடிக்க!”

“என்னதான் செய்ய?”

“உனக்கு முன்னால் இருக்கும் ஸ்கிரீனில் படம் பார். உணவு தருவார்கள் சாப்பிடு!”

“சிக்கன் பிரியாணி லெக் பீஸோடு வருமா?”

“ஹலால் உணவு. பன்றிக்கறி தொடர்பான அயிட்டங்கள் கிடையாது. ஊர் திரும்பியதும் சொல்லுங்கள் செம மட்டன் பிரியாணி செஞ்சு தரேன்!”

ப்ரூட் சாலட், இனிப்பு, பழச்சாறு, பிரட் ஆம்லெட் வந்தது.

சாப்பிட்டு முடித்தோம்.


மஸ்கட் காலை 9.50மணிக்கு போனது.

இறங்கி அடுத்த விமானத்திற்காகக் காத்திருந்தோம்.

அங்கு நாலு மணி நேரம் காத்திருப்பு. அங்கிருக்கும் சுங்கவரி இல்லாத கடைகளுக்குள் புகுந்தோம்.

நகை விலை இந்திய விலையை விட அதிகம்.

கூலி வேலைக்கு செல்லும் நான்கு கேரளாக்காரர்களைச் சந்தித்தோம்.

அவர்களுடன் ஆர்னிகா கதைத்தார்.

மீண்டும் நுழைவுச் சம்பிரதாயங்கள்.

அதன் பின் டபிள்யூஒய் 609 ஓமன் ஏர்வேயில் ஏறினோம்.

மதியம் 2.20 மணிக்கு வானேறினோம்.

அடுத்த ஒன்றேகால் மணி நேரத்தில் எங்களது விமானம் துபாய் சர்வதேச விமான நிலையத்தில் இறங்கியது. இன்டர்நேஷனல் ஏர் டிரான்ஸ்போர்ட் அஸோஸியேஷன், துபாய் சர்வதேச விமான நிலையத்துக்கு வைத்த சங்கேதப் பெயர் டிஎக்ஸ்பி (DXB), தென்ஆப்பிரிக்காவின் டப்ளின் விமானநிலையத்துக்கான சங்கேதப் பெயர் டியூபி (DUB), துபாயில் இன்னொரு விமான நிலையமும் உள்ளது. அதன் பெயர் அல் மெக்தூம் சர்வதேச விமான நிலையம். துபாய் டிஎக்ஸ்பி விமான நிலையம் உலகின் பரபரப்பான விமான நிலையங்களில் ஒன்று.

டெர்மினல் ஒன்று. விமானபடிக்கட்டுகளில் இறங்கினேன்.


“உலகின் பல பணக்காரர்களின் விளையாட்டு மைதானமான துபாய் உங்களை வரவேற்கிறது!” ஆர்னிகா கட்டியம் கூறி என்னை வரவேற்றார்.

துபாய் டிஎக்ஸ்பி விமான நிலையத்தில் மூன்று டெர்மினல்கள் இருந்தன.

டெர்மினல்1 - இண்டிகோ போன்ற விமான சேவைகளுக்கான விமானத்தளம்.

டெர்மினல் 2 – பெர்ஷியன், கல்ப் நாட்டு விமான சேவைகளுக்கான விமானத்தளம்.

டெர்மினல் 3 – எமிரேட்ஸ், குவன்டாஸ், ப்ளை துபாய், ஏர் கனடா.

துபாய் டிஎக்ஸ்பி விமானநிலையம் 15 மில்லியன் பயணிகளைக் கையாளும் திறன் கொண்டது. 5, 20, 000 சதுர மீட்டர் பரப்பளவு. 221 பரிசோதிப்பு மையங்கள். 28 தானியங்கி வாசல்கள்.

விமான நிலையத்திற்குள்- தானியங்கி பணப்பரிமாற்ற இயந்திரங்கள் கொண்ட கூண்டுகள், நாணயப் பரிமாற்ற மையங்கள், குழந்தைகள் கவனிப்பு அறைகள், பிரார்த்தனை கூடங்கள், குளியலறைகள், சுங்கவரி இல்லாத கடைகள், ஸ்பா, பரிசுப்பொருள் நினைவுப்பரிசுக் கடைகள், உணவு விடுதிகள். ஆங்காங்கே இஸ்லாமிய அதிகாரிகள் நின்றிருந்தனர்.

சிலரிடம் ஆர்னிகா, “அஸ்ஸலாமு அலைக்கும்!” என்றார்.

பதில் சொல்லாமல் அவர்கள் பார்வைகளைத் தவிர்த்தனர்.

இரண்டு விதமான அரபிகள் உண்டு என கேள்விப்பட்டிருக்கிறேன். ஒருவகை அரபிகள் இந்திய முஸ்லிம்களை தாழ்த்தப்பட்ட முஸ்லிம்களாக பார்ப்பர். இன்னொரு வகை அரபிகள் தங்களிடம் வேலை பார்க்கும் இந்திய முஸ்லிம்களிடம் டன் கணக்கில் பாசத்தைக் கொட்டுவர்.

விமான நிலையத்துக்குள் விலை இல்லாத சர்வதேச இடைவழிப் பேருந்து சேவை உண்டு.

டெர்மினல் ஒன்றும் மூன்றும் துபாய் மெட்ரோ ரயில் சிவப்பு லைனுடன் இணைக்கப்பட்டிருந்தன.

டெர்மினல் 3 விமான நிலைய ரயில் வாசல் ஏ,பி,சி யுடன் இணைக்கப்பட்டிருந்தது.

துபாயின் மெட்ரோ ரயில் சேவையைப் பற்றி பார்ப்போம்.

துபாயில் மெட்ரோ ரயில் இரண்டு வகை சேவைகளாய் பிரிக்கப்பட்டிருக்கிறது.

மெட்ரோ சிவப்புநிற போக்குவரத்து 67.1 கிமீ நீளமும் 31+4 நிறுத்தங்களும் கொண்டது.

மெட்ரோ சிவப்பு நிறப் போக்குவரத்து நிறுத்தங்கள் இவைதான்;

* சென்ட்ரல் பாயின்ட்

* எத்திசலாத்

* துபாய் விமான நிலைய இலவச மண்டலம்

* அல் நஹ்தா

* ஸ்டேடியம்

* அல் குயாத்

* அல் ஹெய்ல்

* அபு பக்கர் அல் சித்திக்

* சலா அல் தின்

* யூனியன்

* புர்ஜமான்

* ஏடிசிபி

* மேக்ஸ்

* உலக வர்த்தக மையம்

* எமிரேட் டவர்ஸ்

* பைனான்ஸியல் சென்டர்

* புர்ஜ் கலிபா

* பிசினஸ் பே

* அல்சபா

* உம் அல் ஷெய்ப்

* மால் ஆப் எமிரேட்ஸ்

* மாஸ்ரெக்

* துபாய் இன்டர் நெட்சிட்டி

* அல் கைய்ல்

* டிஎம்சிசி

* ஜபல் அலி

* எனர்ஜி

* யுஏஇ எக்ஸ்சேஞ்ச்

* தி கார்டன்ஸ்

* டிஸ்கவரி கார்டன்

* ஜுமேரியா கோல்ப் மையம்

* துபாய் இன்வெஸ்ட்மென்ட் பார்க்

* எக்ஸ்போசிட்டி துபாய்


இன்னொன்று மெட்ரோ பச்சை நிற போக்குவரத்து நிறுத்தங்கள். இது 20 நிறுத்தங்கள் (வெளிநிறுத்தம் 12 சுரங்கப்பாதைகள் எட்டு)

* எத்தி சலாத்

* அல் குவாசைஸ்

* ஸ்டேடியம்

* சலா அல் தின்

* யூனியன் (சிவப்பு போக்குவரத்துடன் இணையும் நிறுத்தம்)

* புர்ஜமான்

* ஷராப் டிஜி

* துபாய் ஹெல்த் கேர் சிட்டி

* கிரீக்

* துபாய் ஏர்போர்ட் ப்ரீ ஸோன்

* அல் நகதா

*அல் கொயாத்

* அபு ஹெய்ல்

* அபூபக்கர் அலி சித்திக்

* அவுத் மேத்தா

* பனியாஸ் ஸ்கொயர்

* கோல்ட் சௌக்

* அல்ராஸ்

* அல் ஜடாப்

விமான நிலையத்தை விட்டு வெளியே வந்தோம்.


ஏராளமான பாகிஸ்தானி மற்றும் பங்களாதேசி ஓட்டுனர்கள் மொய்த்தனர்.

உருதுவில் விசாரித்தனர்.

“எங்க போகனும்?”

“டெய்ராவின் அல் சப்கா தெருவில் இருக்கும் மவுன்ட் சினா ஹோட்டலுக்கு போகவேண்டும்* உடைந்த ஆங்கிலத்தில் கூறினார் ஆர்னிகா

125 திர்ஹாம் கேட்டனர்.

இன்னொரு பயணியுடன் ஷேர் பண்ணிக் கொள்ள சம்மதித்து 75 திர்ஹாம் பேசி முடித்தார்.

கார் சீறிப் பாய்ந்தது.

ஹோட்டல் வரவேற்பறையில் அமர்ந்திருந்தவர். “ஸாரி… உங்க ரூம் புக்கிங் கேன்சல் ஆயிடுச்சு… நோ ரூம்… கோ டு அதர் ஹோட்டல்* என்றார் கேரளம் கலந்த ஆங்கிலத்தில். 

(பயணிப்போம்...!)

*****

இது முத்துக்கமலம் இணைய இதழின் படைப்பு.