அறுவடைக்காகக் காத்திருக்கிறது!
கிளையை முறித்தபின்
பூக்கத் தொடங்கியது
செம்பருத்திப்பூ
*****
தேநீர் இலை பறித்துப் போட
அட்டைப்பூச்சியாய் உறிஞ்சுகிறது
சாரமற்ற வாழ்வு !
*****
ஆயிரம் காலத்துப் பயிர்
அறுவடைக்காகக் காத்திருக்கிறது
கோர்ட் வாசலில்
*****
கோவில் வாசலில் நின்று
வணங்காமல் இருக்கும்
காலணிகள் !
*****
கோவில் சுவற்றில்
அசுத்தம் செய்யும்
தெரு நாய்கள் !
*****
கொட்டித் தீர்க்கும் மழை
வயலில் இறங்கி
கப்பல்விடுகிறான் பேரன்
*****
மாமியார் மருமகள் சண்டை
பதவி உயர்வு பெறுகிறார்
வீட்டு வேலைக்காரி
*****
வளைந்து நெளிந்த புருவம்
நேராகச் செல்கிறது
பார்வைகள் !
- ஹிஷாலி, சென்னை.
இது முத்துக்கமலம் இணைய இதழின் படைப்பு.
இணையத்தில் ஒரு இலக்கியப் படைப்பு! இது தமிழ் ஆர்வலர்களின் இலக்கியத் துடிப்பு!! ISSN: 2454-1990
அச்சிட
விமர்சிக்க
விருப்பத் தளமாக்க
