|
........ ஒவ்வொரு மாதமும் மாதமிருமுறை 1 மற்றும் 15 ம் தேதிகளில் புதுப்பிக்கப்படுகிறது ....... |
 |
| இணையத்தில் ஒரு இலக்கியப் படைப்பு... இது தமிழ் ஆர்வலர்களின் இலக்கியத் துடிப்பு... |
| a |
|
a |
|
தொடர் கட்டுரை-1. பகுதி-44
நல்ல பெயர் வாங்கலாம். -தேனி.எம்.சுப்பிரமணி.
44. சுயமாகச் சிந்திக்க வேண்டும்.
ஒரு செயலைச் செய்வதற்கு முன்பு சிலரிடம்
ஆலோசனைகள் கேட்பதில் தவறில்லை. ஆலோசனை அளிப்பவர்கள் அதற்குத்
தகுதியுடையவர்கள்தானா என்று சிந்திக்க வேண்டும். மேலும் அளிக்கும் ஆலோசனைகளை
தாமும் சிந்தித்துப் பார்க்க வேண்டும். ஒரு செயலைச் செய்வதற்கு முன்பாக அதனால்
ஏற்படும் விளைவுகளையும் முன்கூட்டியே சிந்தித்துப் பார்க்க வேண்டும்.
அப்போதுதான் நாம் எடுத்துக் கொண்ட செயலில் வெற்றியையும் அதன் மூலம் நல்ல
பெயரையும் பெற முடியும்.
மந்தரை கைகேயின் மகன் பரதன் இந்நாட்டை ஆள வேண்டும் என்கிற ஒரு நோக்கத்தில் மட்டுமே கைகேயிக்கு ஆலோசனையை வழங்கினாள். அவளுக்கு அதனால் ஏற்படும் விளைவுகள் குறித்து சிந்திக்கத் தெரியவில்லை. மேலும் கைகேயிக்கும் தான் கேட்கும் வரத்தால் என்னெவெல்லாம் நடக்கும் என்பது குறித்து சிந்திக்கத் தெரியவில்லை. இப்படித்தான் வாழ்க்கையில் பலரும் சுயநலத்துடன் தனக்கு ஆதரவாகச் சொல்லப்படும் ஆலோசனைகளை எவ்வித சிந்தனையுமில்லாமல் செயல்படுத்திப் பின்னால் கஷ்டப்பட்டுக் கொண்டிருக்கிறார்கள். எந்த ஒரு ஆலோசனையாக இருந்தாலும், யார் தெரிவித்த ஆலோசனையாக இருந்தாலும் அது குறித்து முழுமையாகச் சிந்தித்து தாமாக ஒரு நல்ல முடிவை எடுக்கத் தெரிய வேண்டும். அப்போதுதான் நல்ல பெயரையும் நல்ல நிலையையும் அடைய முடியும். (வழிமுறைகள் வளரும்.)
|
| முகப்பு |
