முத்துக்கமலம்-இணையத்தில் ஒரு இலக்கியப் படைப்பு... கவிதை

........ ஒவ்வொரு மாதமும் மாதமிருமுறை 1 மற்றும் 15 ம் தேதிகளில் புதுப்பிக்கப்படுகிறது .......

இணையத்தில் ஒரு இலக்கியப் படைப்பு... இது தமிழ் ஆர்வலர்களின் இலக்கியத் துடிப்பு...
as
Your Advertisement Here / உங்கள் விளம்பரம் இங்கு இடம் பெற
as
கவிதை: 277 அம்மா வழியே நம் வழி! தாயே! தமிழுருவே! ததும்பும் அன்பொளியே! இயற்கை நெறி தழுவி என்னுள் அதை விதைத்து வாழ்க்கை வழிகாட்டியாய் வாழ்ந்து வழிகடந்தாய். உழைப்புவழி உயர்வே-வாழ்வில் ஓங்குபுகழ் சேர்க்கும் என்பாய் உத்தமன் புகழ்எடுக்க-மனித உறவில் உனை உணரு என்பாய். பந்தபாசம் வற்றிவிடின்-வாழ்வு பாலைவனம் ஆகும் என்பாய் பகுத்தறிவால் இடர்தவிர்த்து-உறவை பலப்படுத்த முயலு என்பாய். சிக்கனமாய் இருந்து-வாழ்வை செம்மைப்பட நடத்து என்பாய் சிறுதனமாய் எண்ணாமல்-எதிலும் சிறப்புக்கான பயிலு என்பாய். பட்டறிவு வழிநின்று-பால் பண்புடனே வாழ் என்பாய் கெட்டுவிட நேரம் வரா-இது உறுதி கேண்மையே உன்சொத்து என்பாய். தத்துவமே உன்வாழ்க்கை-அம்மா தனித்துவமே உன்செய்கை அத்தனையும் நான் ஏற்பேன்-அம்மா அமைதிவழி நான் நடப்பேன். -பொன்பரப்பியான்
m
பொன்பரப்பியான் அவர்களது மற்ற படைப்புகள் முந்தைய கவிதைகள் காண

முகப்பு

Dedicated By : Muthukamalam Educational and Charitable Trust, 19/1, Sugathev Street, Palanichettipatti,Theni-625531, India.