முத்துக்கமலம்-இணையத்தில் ஒரு இலக்கியப் படைப்பு... கவிதை

........ ஒவ்வொரு மாதமும் மாதமிருமுறை 1 மற்றும் 15 ம் தேதிகளில் புதுப்பிக்கப்படுகிறது .......

இணையத்தில் ஒரு இலக்கியப் படைப்பு... இது தமிழ் ஆர்வலர்களின் இலக்கியத் துடிப்பு...
as
Your Advertisement Here / உங்கள் விளம்பரம் இங்கு இடம் பெற
as
கவிதை: 300 ஆகஸ்டு பதினைந்தாம் நாள்! ஆகஸ்டு பதினைந்து-ஆம்! ஆங்கிலேயர் அகன்ற நாள் ஒழுங்கு கட்டுப்பாடின்றி-உலவ உமை கிடைத்த நாள். உழைப்பவர் எண்ணிக்கை-தினமும் ஒவ்வொன்றாகக் குறைய உழையாதோர் செல்வாக்கு-நாட்டில் உயர வித்திட்ட முதல்நாள். தனிமனிதன் புகழ்பாட-இங்கு தழைக்கின்றது கட்சி தன்னலப் புலிகள் கையில்-தினம் தவிக்கின்றது மனசாட்சி ஊழலின் உதவி கொண்டே-தானே உயர்ந்து கொண்ட தலைவர்கள் உண்மை கக்கும் மானிடனின்-தூய உயிர் குடிக்கும் துப்பாக்கிகள். அடுக்கடுக்காய் மாளிகைகள்-இங்கு ஆளுநனின் கேளிக்கைகள் உழைப்பவனால் இவைகள் செய்ய-இங்கு ஒருகாலும் முடியுமா? உயர்ந்து நிற்கும் மாளிகைகள்-இங்கு உயர்ந்த ரக ஊழலுக்கு உதாரணங்கள் கண் மயக்கும் பல நிறங்கள்-தீயோனின் காயத்தின் வகை தொகைகள். காசுக்காவே-இங்கே கரையும் மனம் ஏராளம் கண்ணியம் பேசிக் கொண்டே-உயிரை கசக்கி எடுக்கும் தீப்படலம் பூமாலை போலிக்கு-துதிக்கும் புகழ்மாலை குரலொலிக்கு பாமாலை தீச்செயலுக்கு-இங்கே பணமாலை பதவி வெறியனுக்கு. பிடித்த நாற்காலியை-சிறிதும் பிரளாமல் காத்துக்கொள்ள துடிப்புடனே மேடைதோறும்-தினமும் தூக்கிக் காட்டும் சவுகர்யங்கள் ஒழுங்கீனம் மறைத்துக் காட்ட-உழைப்போன் உணர்ச்சிக்கு ஐஸ் வைக்க-ஆண்டுதோறும் ஊழலர்கள் ஞாபகமூட்டும்-இந்தியாவின் உழையாதோன் சுதந்திர நாள் --பொன்பரப்பியான்.
m
பொன்பரப்பியான் அவர்களது மற்ற படைப்புகள் முந்தைய கவிதைகள் காண

முகப்பு

Dedicated By : Muthukamalam Educational and Charitable Trust, 19/1, Sugathev Street, Palanichettipatti,Theni-625531, India.