முத்துக்கமலம்-இணையத்தில் ஒரு இலக்கியப் படைப்பு... கவிதை

........ ஒவ்வொரு மாதமும் மாதமிருமுறை 1 மற்றும் 15 ம் தேதிகளில் புதுப்பிக்கப்படுகிறது .......

இணையத்தில் ஒரு இலக்கியப் படைப்பு... இது தமிழ் ஆர்வலர்களின் இலக்கியத் துடிப்பு...
as
Your Advertisement Here / உங்கள் விளம்பரம் இங்கு இடம் பெற
as
கவிதை: 366 என்னவள் ஒரு தேவதை...! அன்றொரு நாள் ஒரு முன்னணி நடிகனைப் பிடிக்கும் என்றாய்... அன்றிலிருந்து எனக்கு அவனை பிடிக்காமல் போய்விட்டது... ---------------- நீ பறக்கும் முத்தம் கொடுக்காதே... காற்று அதைப் பல‌ பிரதிகள் எடுக்கிறது போலும்... நீ முத்தம் கொடுத்தபின் வீசும் காற்று மிக‌ இனிமையாக இருக்கிறதே... ---------------- நீ உன் நெற்றியில் ஒரு கருப்பு பொட்டு வைக்கையில்தான் கவனித்தேன்... 'இந்த சூரியன் கருப்பாய் இருக்கிறதே'... ---------------- நிலாவில் தெரிகிறது ஒரு கருப்புச் சூரியனும், ஒரு மின்னும் நட்சத்திரமும்... முழிக்காதே, உன் நெற்றிப்பொட்டையும் மூக்குத்தியையும் தான் சொல்கிறேன்... ---------------- ரோஜாப்பூ ஒன்றைப் பறித்து காதோரம் செருகிக்கொள்கிறாய்... தனக்குமுன் உன் கூந்தலை ஆக்கிரமித்துவிட்ட பூ என்று பொறாமை கொள்கிறது அந்த ரோஜாப்பூ உன் காதின் மேல்... ---------------- பூக்களெல்லாம் வாசம் வீசுகின்றன... எந்த பூவாவது பேசியதுண்டா... உன்னைப்போல்...! -ராம்ப்ரசாத்.
m
ராம்ப்ரசாத் அவர்களது மற்ற படைப்புகள் முந்தைய கவிதைகள் காண

முகப்பு

Dedicated By : Muthukamalam Educational and Charitable Trust, 19/1, Sugathev Street, Palanichettipatti,Theni-625531, India.