முத்துக்கமலம்-இணையத்தில் ஒரு இலக்கியப் படைப்பு... கவிதை

........ ஒவ்வொரு மாதமும் மாதமிருமுறை 1 மற்றும் 15 ம் தேதிகளில் புதுப்பிக்கப்படுகிறது .......

இணையத்தில் ஒரு இலக்கியப் படைப்பு... இது தமிழ் ஆர்வலர்களின் இலக்கியத் துடிப்பு...
as
Your Advertisement Here / உங்கள் விளம்பரம் இங்கு இடம் பெற
as
கவிதை:43 கோபம் ! அமைதியைக் கெடுத்து நல்லறிவையும் கெடுக்கும் ஆபாச முலாம் - மனிதனை அழிக்கும் ஆலம்! சுமைக் கோபத்தைத் தூக்கியவர்கள் இறக்குதல் கடினம் - நெஞ்சில் ஈரமும் மடியும்! சினத்தை மறுக்கும் தவத்தைப் பெற்றவன் செகத்தை ஆளலாம் - கொடிய தீங்கையும் வெல்லலாம்! இனிக்கும் அகத்தையும் எழில் முகத்தையும் எரிக்கும் நெருப்பு - வலிமை இருக்கும் துருப்பு! நெருப்புப் பிடித்து நிலத்தின் பொருட்களை எரிப்பதும் ஒன்று - கோபம் பிடிப்பதும் ஒன்று! கொட்டும் அருவிக் குணமிருப்பினும் கொதிக்கும் புனலே - ஆக்கும் கோபக் கனலே! தன்னைப் பழித்துச் சண்டையிட்டாலும் சினம் கூடாது - அதனால் திறம் குறையாது! விசுவாசமித்திரன் கோபத்தினால்தான் வரமும் தொலைந்தது - வசிட்டரின் வசவும் கிடைத்தது! துரியோதனின் கோபமவனை தொலைத்ததோடில்லை - அரசும் சொந்தமும் தொலைந்தது! எத்தனை இராச்சியம் இருப்பினும் கோபம் இருந்தால் போதும் - எல்லாம் இல்லாது போகும்! அன்பை மக்களாட்சி யென்றால் கோபத்தை நாம் கொடுங்கோல் ஆட்சி யெனலாம்! இன்னல் கொடுக்கும் இந்நோய்ச் சினத்தை எட்டி உதைப்போம் - திக்கெட் டுக்கு முரைப்போம்! -கவிஞர்.வி.எஸ்.வெற்றிவேல்.
m
வி.எஸ்.வெற்றிவேல் அவர்களின் இதர படைப்புகள் முந்தைய கவிதைகள் காண

முகப்பு

Dedicated By : Muthukamalam Educational and Charitable Trust, 19/1, Sugathev Street, Palanichettipatti,Theni-625531, India.