முத்துக்கமலம்-இணையத்தில் ஒரு இலக்கியப் படைப்பு... கவிதை

........ ஒவ்வொரு மாதமும் மாதமிருமுறை 1 மற்றும் 15 ம் தேதிகளில் புதுப்பிக்கப்படுகிறது .......

இணையத்தில் ஒரு இலக்கியப் படைப்பு... இது தமிழ் ஆர்வலர்களின் இலக்கியத் துடிப்பு...
as
Your Advertisement Here / உங்கள் விளம்பரம் இங்கு இடம் பெற
as
கவிதை: 466 பாளை சுசி கவிதைகள். சோக கீதம்..! ஓசி வீட்டையும் வளர்ப்புத் தாயையும் கேiடையில் நினைத்து குயில்கள் பாடுவது முகாரி தான்..! ******** படைப்பாளி..! கல்லையும் சிற்பியையும் கடவுள் படைத்தான். கல்லைக் கடவுளாக்கினான் சிற்பி..! ****** சுழற்சி தன்னைத் தானே சுற்றும் பூமி.. அதன் மேல் பிறர் சுற்றி தலை சுற்றி தானே விழும் பம்பரம்..! ****** நகல்..! நிழலுக்கு முகவரி தேடினேன் கிடைத்ததோ மே. பா. விலாசம்..! ****** சொல்லாமல்..! சோதனை செய்த டாக்டர் வேதனையோடு சொன்னார் இதயத்தில் ஓட்டை என்று..! அவரிடம் சொல்ல முடியுமா? அது என் காதலி வந்து போன வாசல் என்று? ****** ஒரு கதை..! அவள் விட்டுச் சென்ற காலடித் தடங்களில் வீழ்ந்து கிடக்கிறது ஒரு செருப்பின் கதை..! ****** நினைவுகள் ! கடற்கரையில் கருப்புப் பாறைகள்.. நுரைக்க நுரைக்க நூறுமுறை குளித்தாலும் அழுக்குப் போகவில்லை – பச்சைப் பாசிகளாய் அவள் நினைவுகள்..! ****** தியாகம்..! இறந்த ஒருவர் இடுகாடு சென்றதற்காய் செத்துக் கிடக்கும் வாடாமல்லியும் லில்லிப் பூக்களும் தார் சாலையில்..! ****** மாற்று ஏற்பாடு..! தாய் மிதித்து குஞ்சு சாகாமலிருக்க பருந்து காலில் கோழிக் குஞ்சா? ****** உயர்வு..! நீ உதிர்க்கும் முத்துச் சிரிப்பை விட உன் கண்கள் சிந்தும் கரிப்பு நீருக்கு காரம் அதிகம் -பாளை.சுசி.**
m
பாளை சுசி அவர்களது மற்ற படைப்புகள் முந்தைய கவிதைகள் காண

முகப்பு

Dedicated By : Muthukamalam Educational and Charitable Trust, 19/1, Sugathev Street, Palanichettipatti,Theni-625531, India.