முத்துக்கமலம்-இணையத்தில் ஒரு இலக்கியப் படைப்பு... கவிதை

........ ஒவ்வொரு மாதமும் மாதமிருமுறை 1 மற்றும் 15 ம் தேதிகளில் புதுப்பிக்கப்படுகிறது .......

இணையத்தில் ஒரு இலக்கியப் படைப்பு... இது தமிழ் ஆர்வலர்களின் இலக்கியத் துடிப்பு...
as
Your Advertisement Here / உங்கள் விளம்பரம் இங்கு இடம் பெற
as
கவிதை:94 ஏட்டிக்குப் போட்டி சொற்களிலே சர்க்கரையைச் சேர்த்துப் பேச மாட்டாய்... தேகத்தில் மட்டும் தேவைக்கு மேலே தேக்கி வைத்துச் சோகக் கடலில் மூழ்கிடுவாய்... உயர்ந்த சிந்தனைகளிலே உயர் அழுத்தம் உட்காரும்படி உதவிட மாட்டாய்... ஓடும் இரத்தத்தில் மட்டும் உயர் அழுத்தம் கூடும்படி-மனம் வாடும்படி-பல காரியங்கள் ஆற்றிடுவாய்... நல்லவற்றைச் செய்வதிலே முந்தி வந்து நிற்க மாட்டாய்-உன் வயிறு மட்டும்-உன்னையும் முந்தி வந்து முகம் காட்டி நிற்கும்படி வஞ்சனை இன்றி வாரிப் போட்டு வயிற்றை நிரப்பிடுவாய்... உடலுக்குள்ளே திரண்டிருக்கும் ஊறு செய்யும் கொழுப்பதனைக் கரைப்பதற்கும் குறைப்பதற்கும் மருத்துவமனைகளுக்கு-நீ நடையாய் நடந்து-பல படிகளைத் தேய்த்திடுவாய்... விரட்டி அடித்து வீழ்த்த வேண்டிய-அந்த வாய்க்கொழுப்பை மட்டும் வரவேற்று உபசரித்து வாழ்க்கை கொடுத்து விழாக்களும் எடுத்திடுவாய்... மூச்சினை உள்ளே இழுத்து வாங்கி நிறுத்தி-வெளியே மெல்ல விடுகின்ற-அந்த நல்ல பயிற்சிதனை மேற்கொள்ள மாட்டாய்- வெட்டிப் பேச்சினை மட்டும் வேகமாக உள்ளே இழுத்து வாங்கி நிரப்பி வைத்து-அதை வெளியில் எடுத்துப் பிறர்மேல் ஏவிவிட்டுப் பெருந்துயரைத் தந்திடுவாய்... -கவிஞர் வெ. அரங்கராசன், தமிழ்த்துறைத் தலைவர், கோ.வெங்கடசாமி நாயுடு கல்லூரி, கோவில்பட்டி.
m
முந்தைய கவிதைகள் காண

முகப்பு

Dedicated By : Muthukamalam Educational and Charitable Trust, 19/1, Sugathev Street, Palanichettipatti,Theni-625531, India.