பணிவு மாத்திரமே கட்டளையிடுவதற்கும் உரிமை அளிக்கின்றது. -எமர்ஸன்.

புவி என்பது ஒரு தேசம். மனித இனத்தவர் அதன் பிரசைகள். -பஹாவுல்லாஹ்.

ஏழைகளுக்கு சிக்கனம் ஆன்மீகமாகும். -மகாத்மா காந்தி.

காதல் என்பது ஒரு மலர். கல்யாணம் என்பது ஒரு பழம். -பின்னிஷ் பழமொழி.

தீய பழக்கங்கள் நல்ல ஒழுக்கங்களைக் கெடுத்து விடும். -பர்திரிஹரி.

மரணிப்பதை விட வேதனைப்படுவதற்கு அதிகத் துணிவு வேண்டும். -நெப்போலியன்.

மிகச்சிறந்த நூல்களை முதலாவதாக வாசித்துக் கொள்; அன்றேல்,அவற்றை அறவே வாசித்துக் கொள்ள வாய்ப்புக் கிடைக்காமற் போகும். -தோரியு.

நற்செயலின் ஒரே வெகுமதி நற்செயலே. -எமர்ஸன்.

செல்வம் அதன் உடைமைக்காரனுக்குச் சேவை செய்யும். அன்றேல்,அவனை ஆட்சி செய்யும்.
-ஹொரேஸ்.

குருடனும், பார்வையுள்ளவனும், இருளும் - ஒளியும், நிழலும் - வெப்பமும் சமமாகாது. -திருக்குர்ஆன்.

மூடன் தான் புத்திசாலி என நினைக்கின்றான். ஆனால், புத்திசாலி தான் ஒரு மூடன் எனத் தெரிந்து கொள்கின்றான். -ஷேக்ஸ்பியர்

ஆண்கள் வாழ்க்கையை ஆரம்பத்திலேயே தெரிந்து கொள்கின்றனர். ஆனால், பெண்கள் வாழ்க்கையை மிகவும் தாமதமாகவே தெரிந்து கொள்கின்றனர். -வில்டி

“நீ அறியாமையில் இருக்கிறாய்” என்ற உணர்வுடன் இருப்பது நீ அறிவை அடைய மேற்கொள்ளும் ஒரு பெரும் நடவடிக்கையாகும். -டிஸ்ரேலி.

நெருப்பை விறகு தின்பது போல பொறாமையானது நற்காரியங்களைத் தின்று விடும்.-முஹம்மது நபி(ஸல்)

இரும்பு இரும்பைக் கூர்மையாக்குகின்றது. அறிஞன் அறிஞனைச் செம்மைப் படுத்துகின்றான்.-தாமூத்.

அரைவாசி மூடர்களிலும், அரைவாசி புத்திசாலிகளிலும் ஆபத்து (மறைந்து) கிடக்கின்றது. -கோதி

மொழி என்பது ஒரு நகரமாகும். அதனைக் கட்டி எழுப்ப ஒவ்வொரு மனிதனும் ஒரு கல் கொண்டு வந்தான். -எமர்ஸன்.

ஒரு செயலை ஒரு சொல்லில் மாற்றுவதை விட, ஒரு சொல்லை ஒரு செயலில் மாற்றுவது மிகக்கடினமானது என்பது ஒவ்வொருவருக்கும் தெரியும். - மாக்ஸிம் கார்க்கி.

ஓர் இலட்சம் துப்பாக்கிகளை விட மூன்று பத்திரிகைகளுக்கு அஞ்சுகின்றேன். -நெப்போலியன்.

நீ ஒரு மனிதனுக்குக் கல்வி ஊட்டினால் நீ ஓர் ஆளுக்குக் கல்வி ஊட்டுகிறாய். ஆனால் நீ ஒரு பெண்ணுக்குக் கல்வி ஊட்டினால் ஒரு குடும்பத்துக்கேக் கல்வி ஊட்டுகின்றாய். -ரூபி மனிகன்

கொடுக்கும் கையானது வாங்கும் கையைவிட மேலானது. -முஹம்மது நபி(ஸல்)

உனது கரங்கள் - உனது கண்கள் - உனது குரல் - உனது சிந்தனைகள் யாவும் உனது சேவகர்கள். -லொரெட்டா யங்க்.

மனிதர்களைப்பற்றித் தீய எண்ணங்கொள்வதைத் தவிர்த்துக் கொள்ளுங்கள். -முஹம்மது நபி (ஸல்)

உங்களில் பலசாலி யார் என்று உங்களுக்கு நான் அறிவிக்கட்டுமா? கோபம் வரும் போது தன்னைக் கட்டுப்படுத்திக் கொள்பவரே பலசாலியாவார். -முஹம்மது நபி(ஸல்)

எவரொருவர் (பிறரால் பாதிக்கப்பட்ட பின்) பொறுத்துக் கொண்டு மன்னித்து விட்டால் (அது) நிச்சயமாக காரியங்களில் மிக்க உறுதியானதாகும். - திருக்குர்ஆன்