1. இரு புருவங்களுக்கு மத்தியில் மச்சம் இருந்தால் நீண்ட ஆயுள் உண்டு.

2. நெற்றியின் வலப்புறத்தில் மச்சம் இருந்தால் எதிர்பாராத செல்வம் கிடைக்கும்.

3. வலது புருவத்தில் மச்சம் இருந்தால் அதிர்ஷ்டகரமான மனைவி அமைவார்.

4. வலது பொட்டில் மச்சம் இருந்தால் திடீரெனப் பெரும் செல்வமும் புகழும் கிடைக்கும்.

5. வலது கண்ணில் மச்சம் இருந்தால் நண்பர்கள் உறவினர் மூலம் புகழ் கிடைக்கும்.

6. வலது கண்ணுக்குள் வெண்படலத்தின் மேற்புறத்தில் மச்சம் இருந்தால் அவர் ஆன்மீகச் சிந்தனையுள்ளவராகப் புகழ் பெற்று விளங்குவார்.

7. இரு கண்களில் ஏதெனும் ஒன்றில் வெண்படலத்தின் கீழ்ப்புறத்தில் மச்சம் இருந்தால் அவர்களுக்குப் பல பிரச்சனைகளைச் சந்திக்க வேண்டியிருக்கும்.

8. இரு கண்களில் ஏதேனும் ஒரு வெளிப்புற ஓரத்தில் மச்சம் இருந்தால் அவர் வாழ்க்கை சீராக இருக்கும். இருப்பினும், தனது வாழ்நாளில் அவர் ஏதேனும் ஒரு வன்முறை சம்பவத்தைச் சந்திப்பார்.

9. இடது புருவத்தில் மச்சமிருந்தால் பணக்கஷ்டமான வாழ்க்கை அமையும்.

10. இடது கண் வெண்படலத்தில் மச்சமிருந்தால் வறுமையான வாழ்க்கை அமையும். இருப்பினும், அதைச் சமாளிக்கும் திறனும் அமையும்.

11. இடது கண்ணின் வலப்புறத்தில் மச்சமிருந்தால் சொத்து விஷயங்களில் சங்கடங்களை சந்திப்பார். இருப்பினும் ஓரளவுக்கு சொத்தைச் சேகரித்து விடுவார்.

12. இடது கண்ணின் இடப்புறத்தில் மச்சம் இருந்தால் உறவினர்களுடன் பிரச்சனை ஏற்பட்டுத் தனிநபர் ஆகிவிடுவார். இருப்பினும், அவர்களது வாழ்நாளின் பிற்பகுதியில் அதிர்ஷ்டத்தை அடைவார்.

13. மூக்கின் மேல் பகுதியில் மச்சம் இருந்தால் அவர்கள் எல்லா நலமும் பெற்றிடுவார்.

14. மூக்கின் வலது புறத்தில் மச்சம் இருந்தால் நினைத்ததை நடத்தி முடிக்கும் வல்லமை பெற்றிருப்பார்.

15. மூக்கின் இடது புறத்தில் மச்சம் இருந்தால் எதை நம்பாதவர்களாக இருப்பார். தவறானவர்களுடன் நட்பும் இவர்களுக்கு இருக்கும்.

16. மூக்கின் நுனியில் மச்சம் இருந்தால் அவர்கள் தயக்க குணம் உள்ளவர்களாக இருப்பார். சற்றே கர்வமும், பாதுகாப்பு உணர்வும் இவர்களிடம் மிகுந்திருக்கும்.

17. மூக்கின் கீழே மச்சமுள்ளவர் தவறான வழிகளில் பணத்தைச் செலவிடுபவர்களாக இருப்பார்.

18. நாசித்துவாரங்களுக்கு மேலே மச்சம் உள்ளவர் நவநாகரீக மோகமுள்ளவராக இருப்பார். வசதியான வாழ்க்கையைக் கொண்டிருப்பார்.

19. மேல் உதட்டிலோ அல்லது கீழ் உதட்டிலோ மச்சம் இருந்தால் அவர்கள் காதல் உணர்வு மிகுந்தவர்களாக இருப்பார்.

20. மோவாயில் மச்சம் இருந்தால் செல்வாக்கு, புகழ் இவற்றோடு சமூகத்தில் நல்ல மதிப்பு பெற்றிருப்பார்.

21. மோவாயின் இடதுபுறத்தில் மச்சம் இருந்தால் அவர்கள் மேடு, பள்ளமான வாழ்க்கையை அனுபவிப்பார், கல்வியறிவும் குறைவாகவே இருக்கும்.

22. மோவாய்க்கு அடியில் மச்சம் இருந்தால் அவர்கள் இசையில் வல்லுநராக இருப்பார்.

23. வலது கன்னத்தில் மச்சம் இருந்தால் அவருக்குப் பிறரை வசீகரிக்கிற சக்தி இருக்கும். உறவினர்கள் அவரை மிகவும் நேசிப்பார்கள். எப்பொழுதும் சிரித்த முகத்துடன் கூடிய மகிழ்ச்சியான வாழ்க்கை அமையும்.

24. இடது புறக் கன்னத்தில் மச்சம் இருந்தால் அவர் வறுமை, உயர்வு என இரண்டு விதமான வாழ்க்கையை மாறி, மாறி அனுபவிப்பார்.

25. வலது காதில் மேல் நுனியில் மச்சம் இருந்தால் தண்ணீரில் ஆபத்து நிகழக்கூடும்.



26. இடது காதின் மேல் நுனியில் மச்சம் இருந்தால் பெண்கள் தொடர்புடைய விஷயங்களில் எச்சரிக்கையாக நடந்து கொள்ள வேண்டும்.

27. இரண்டு காதுகளிலும் மச்சம் இருந்தால் அவர் அதிர்ஷ்டக்காரர். பேச்சுத்திறன், பிறரை வசீகரிக்கும் ஆற்றல், செல்வம் போன்ற அனைத்தும் அவரை வந்தடையும்.

28. தொண்டையில் மச்சம் இருந்தால் திருமணத்தின் மூலம் அவர்களுக்கு சொத்து கிடைக்கும்.

29. கழுத்தின் வலதுபுறத்தில் மச்சம் இருந்தால் சகோதரர்களின் மூலம் பெயரும், புகழும், சொத்தும் கிடைக்கும்.

30. கழுத்தின் இடது புறத்தில் மச்சம் இருந்தால் அவர் மிதமான நலன்களுடன் வாழ்வார்.

31. இடது மார்பில் மச்சம் இருந்தால் ஆண் குழந்தைகள் நிறைய பிறக்கும். பெண்களிடம் மிகுந்த பாசமாகப் பழகுவார்.

32. வலது மார்பில் மச்சம் இருந்தால் அவர் வாழ்க்கை நடுத்தரமாக இருக்கும். பெண்கள் குழந்தைகள் நிறைய பெற்றிடுவார்.

33. மார்பின் மேல் புறத்தில் மச்சம் இருந்தால் பிறர் விஷயங்களில் தேவையில்லாமல் தலையிடும் குணத்துடன் இருப்பார். அமைதியான மனநிலையுடனும், கடுமையான உழைப்பாளியாகவும் இருப்பார்.

34. வயிற்றின் மீது மச்சம் உள்ளவர் பொதுவாகப் பெறாமை குணம் நிறைந்தவராக இருப்பார்.

35. வயிற்றின் இடப்புறத்தில் மச்சமிருந்தால் நல்ல குணங்களையும் உழைத்து வாழ விரும்பும் எண்ணத்தையும் கொண்டவர்களாக இருப்பார்.

36. வயிற்றின் கீழ்ப்பக்கத்தில் மச்சம் இருந்தால் பலவீனமானவனாக இருப்பர்.

37. தொப்புள் மீது மச்சம் இருந்தால் அவன் வசதியான வாழ்க்கை கொண்டவராக இருப்பார்.

38. வலது தோளில் மச்சம் இருப்பவர் சின்ன சின்ன விஷயங்களுக்குக் கூட மனதை அலட்டிக் கொள்வார்.

39. வலது உள்ளங்கையில் மச்சம் இருந்தால் நல்ல நண்பர்களின் நட்பைப் பெற்றிருப்பார்.

40. இடது உள்ளங்கையில் மச்சம் உள்ளவர் தேவையில்லாத பிரச்சனைகளைத் தன் பக்கம் இழுத்துக் கொண்டு கஷ்டப்படுவார்.

41. முதுகில் மச்சம் இருப்பவர் அதிர்ஷ்டசாலியாகவும், பக்திமானாகவும் இருப்பார்.

42. முதுகின் வலப்பக்கம் தோளுக்கு அருகே மச்சம் உள்ளவர் பயந்த சுபாவம் உடையவராக இருப்பார்.

43. முதுகின் இடப்பக்கம் தோளுக்கு அருகே மச்சம் உள்ளவர் சிறப்பான வாழ்க்கையை பெற்றிருப்பார். தீவிரமாக ஆலோசித்து பிறகு எந்த காரியத்தையும் செய்யும் மனநிலை அவருக்கு இருக்கும்.

இது முத்துக்கமலம் இணைய இதழின் படைப்பு.