முத்துக்கமலம் பன்னாட்டுத் தமிழ் மின்னிதழ், அரசியல், திரைப்படம் தவிர்த்த, பல்வேறு துறைகளிலான படைப்புகளுடன் தமிழ் மொழி, தமிழர் பண்பாடு ஆகியவற்றை இணையம் வழியே வளர்த்திடும் பெரும் முயற்சியுடன் கடந்த 1-6-2006 ஆம் நாளிலிருந்து www.muthukamalam.com எனும் இணைய முகவரியைக் கொண்டு செயல்பட்டு வருகிறது. இந்திய அரசின் தேசிய அறிவியல் தொடர்பு மற்றும் தகவல் வள நிறுவனத்தால் (அறிவியல் மற்றும் ஆராய்ச்சிக் குழு) முத்துக்கமலம் பன்னாட்டுத் தமிழ் மின்னிதழுக்கு 18-6-2015 ஆம் நாள் முதல் பன்னாட்டுத் தரத் தொடர் எண் (ISSN: 2454 - 1990) பெற்றுச் சிறப்புடன் செயல்பட்டு வருகிறது. இந்திய அரசின் பல்கலைக்கழக மானியக் குழு, முத்துக்கமலம் பன்னாட்டுத் தமிழ் மின்னிதழினை சூன்’ 2017 முதல் டிசம்பர்’ 2018 வரை தமிழ் மொழிக்கான அங்கீகரிக்கப்பட்ட ஆய்விதழ்களில் (இதழ் எண்: 64227) ஒன்றாக அறிவித்தது.

முத்துக்கமலம் பன்னாட்டுத் தமிழ் மின்னிதழுக்கு இந்தியா, இலங்கை, சிங்கப்பூர், மலேசியா, ஐக்கிய அரபு நாடுகள், ஐக்கியப்பேரரசு, ஆசுதிரேலியா, அமெரிக்க ஐக்கிய நாடுகள், கனடா, பிரான்சு, நார்வே, டென்மார்க், தாய்லாந்து, நெதர்லாந்து, இத்தாலி உள்ளிட்ட நாடுகளில் இதழைத் தொடர்ந்து பார்வையிடும் பார்வையாளர்கள் உள்ளனர். முத்துக்கமலம் பன்னாட்டுத் தமிழ் மின்னிதழினை நாள்தோறும் எழுநூறு முதல் ஆயிரம் தனித்துவப் பார்வையாளர்கள் (Unique Visitors) பார்வையிட்டு வருகின்றனர். முத்துக்கமலம் மின்னிதழ் பக்கங்களில் நாள்தோறும் சராசரியாக 3536 பக்கங்கள் பார்வையிடப்படுகின்றன.

முத்துக்கமலம் பன்னாட்டுத் தமிழ் மின்னிதழ், உலகளாவிய தமிழ் அமைப்புகள், தமிழ்நாட்டிலுள்ள கல்லூரிகளின் தமிழ்த்துறையுடன் இணைந்து கல்வியியல் மாநாடுகள் மற்றும் கருத்தரங்குகளை நடத்தியிருப்பதுடன், பல ஆய்வுக் கோவைகளையும் வெளியிட்டிருக்கிறது. முத்துக்கமலம் பன்னாட்டுத் தமிழ் மின்னிதழில், உலகம் முழுவதுமிருக்கும் தமிழ் எழுத்தாளர்களில் இரண்டாயிரத்துக்கும் அதிகமானவர்களின் படைப்புகள் வெளியாகி இருக்கின்றன.

முத்துக்கமலம் பன்னாட்டுத் தமிழ் மின்னிதழின் வெளியீட்டாளர், ஆசிரியர், இணை ஆசிரியர் மற்றும் ஆசிரியர் குழுவினர் குறித்த தகவல்கள் கீழேக் கொடுக்கப்பட்டிருக்கின்றன.

*****